Ҳуқуқни муҳофаза қилиш академияси магистратурасига имтиҳонлар ўтказилади

2025 йил 22 август куни Ўзбекистон Республикаси Ҳуқуқни муҳофаза қилиш академиясининг 2025/2026 ўқув йилида қуйидаги мутахассисликлари учун имтиҳонлар ўтказилиши маълум қилинади:

“Тергов фаолияти” – барча номзодлар учун чет тили, психологик тест ва ёзма имтиҳон;

“Прокурорлик фаолияти” – ички номзодлар учун чет тили;

“Прокурорлик фаолияти” (масофавий) – ички номзод ва ваколатли давлат органлари ходимлари учун чет тили;

“Коррупцияга қарши курашиш” – ички номзодлар учун чет тили;

“Инсон ҳуқуқларига оид халқаро ҳуқуқ” – ички номзодлар учун чет тили;

“Киберхавфсизликни ҳуқуқий таъминлаш” – ички номзод ва ваколатли давлат органлари ходимлари учун чет тили ва “Информатика ва ахборот технологиялари” фанидан.

“Киберхавфсизликни ҳуқуқий таъминлаш” – ташқи номзодлар учун рўйхат асосида “Информатика ва ахборот технологиялари” фанидан.

Барча мутахассисликлар бўйича имтиҳонлар 2025 йил 22 август куни соат 09:00 да Тошкент шаҳар Олмазор тумани Университет кўчаси 2-уй манзилида жойлашган Ўзбекистон миллий унверситети спорт мажмуаси биносида бошланади.

Шу муносабат билан барча номзодлар кўрсатилган манзилда соат 08:00 дан кечикмай шахсни тасдиқловчи ҳужжатнинг (паспорт ёки ID-карта) асли билан ҳозир бўлишлари сўралади.