контент | меню | Кнопки доступа

Бош сахифа / Янгиликлар

ИҲРТнинг Коррупцияга қарши тармоғи вакиллари билан учрашув

Нашр қилинган сана

30.05.2019

Кўрилди
141

Чоп этиш

2019 йил 27 май куни Бош прокуратура Академиясида коррупцияга қарши курашиш соҳасида мутахассисларни тайёрлаш ва ҳуқуқни муҳофаза қилувчи органлар ходимларининг малакасини ошириш масалаларини муҳокама қилиш мақсадида ИҲРТнинг Коррупцияга қарши тармоғи маслаҳатчиси А.Кухарук билан учрашув бўлиб ўтди.

А.Кухарук Академия билан ҳамкорликда “Коррупциявий жиноятларни тергов қилиш” курси модулини ишлаб чиқишда амалий ёрдам кўрсатиш мақсадида жалб қилинди. Лойиҳа АҚШ Давлат департаментининг INL бюроси томонидан молиялаштириладиган бевосита коррупциявий ишларни тергов қилувчи терговчилар, прокурорлар ва судьялар учун “Коррупцияга қарши ИҲРТ лойиҳаси” доирасида амалга оширилмоқда.

Йиғилиш иштирокчилари жорий йилнинг июнь ойида давлат мансабдор шахсларининг пора эвазига оғдириб олишнинг  актив ва пассив шакллари, хусусий секторда пора эвазига оғдириб олиш, мансаб мавқеини суиистеъмол қилиш,  ноқонуний бойиб кетиш, жиноий фаолиятдан олинган даромадларни легаллаштириш, юридик шахсларнинг жавобгалиги ва бошқа масалаларни ўзида акс этган “Коррупция учун жиноий жавобгарлик” тренингини ўтказишга келишдилар.

Тренинг таълимнинг аралаш шаклида (blended learning) асосланган бўлиб сиртқи (масофали мустақил таълим, презентация, қўшимча маълумотлар ва тест масалалари) ва кундузги (интерактив маърузалар, гуруҳдаги ишлар, сессия-муҳокама) сессиялардан  иборат бўлади.

Тадбирлар хорижий ва миллий экспертларни жалб қилган ҳолда Академиянинг Коррупцияга қарши курашиш илмий-таълим маркази ходимлари томонидан ўтказилиши режалаштирилган.


ЎЗБЕКИСТОН РЕСПУБЛИКАСИ БОШ ПРОКУРАТУРАСИ АКАДЕМИЯСИ

Ягона ишонч телефони

1007

Бизнинг манзил

100047 Тошкент ш., Миробод т., Шахрисабз кўчаси, 42-уй
e-mail: info@proacademy.uz