контент | меню | Кнопки доступа

Бош сахифа / Янгиликлар

Академиянинг Лунд университети (Швеция) билан ҳамкорлигини мустаҳкамлаш борасидаги тадбирлар

Нашр қилинган сана

02.07.2019

Кўрилди
154

Чоп этиш

 

Жорий йилнинг 24 июнь – 1 июль кунлари Лунд университетининг Ҳуқуқ социологияси департаменти бошлиғи Матиас Байер бошчилигидаги делегациянинг Бош прокуратура Академиясига навбатдаги ташрифи бўлиб ўтди.

Ташрифдан кўзланган мақсад – юриспруденция йўналишлари ва ҳуқуқ социологияси бўйича илмий кадрлар тайёрлаш ва ҳамкорликдаги тадқиқотлар ўтказиш соҳасида истиқболли лойиҳаларни амалга ошириш эди.

Академия раҳбарияти билан бўлиб ўтган учрашув чоғида томонлар ўзаро имзоланган меморандум доирасида икки тарафлама ҳамкорликни давом эттириш масалаларини муҳокама қилдилар.

Ташриф доирасида хорижий меҳмонлар Академия фаолияти билан, хусусан, мультимедиа маркази, криминалистика хоналари, суд мажлислари имитацияси зали, шунингдек, кафедра, бўлим ва марказлар иши билан танишдилар.

Ҳуқуқ социологиясини ўрганишга бўлган қизиқишни инобатга олиб, илмий тадқиқотлар ўтказишда тегишли метод ва ёндашувларни қўллаш мақсадида, М.Байер ва университет катта илмий ходими Р.Урунбаевлар “Стокгольм, Богота ва Тошкент ҳуқуқий маданиятларини қиёсий ўрганиш” мавзусидаги давра суҳбатида иштирок этдилар. Тадбир иштирокчилари ҳуқуқий муаммоларни ўрганишда социологик маълумотларни таҳлил қилишнинг аҳамиятини алоҳида таъкидладилар.

Шунингдек, ташриф давомида Лунд университети вакиллари жиноятларни профилактика қилиш ва вояга етмаган шахсларни одил судловдан четлатиш механизмларини қўллаш бўйича Академия томонидан амалга оширилган ишлар билан танишдилар.

Ташриф якунига кўра, тарафлар икки томонлама муносабатларни янада ривожлантириш ва ўзаро фойдали ҳамкорликни мустаҳкамлашга тайёр эканликларини маълум қилдилар.


ЎЗБЕКИСТОН РЕСПУБЛИКАСИ БОШ ПРОКУРАТУРАСИ АКАДЕМИЯСИ

Ягона ишонч телефони

1007

Бизнинг манзил

100047 Тошкент ш., Миробод т., Шахрисабз кўчаси, 42-уй
e-mail: info@proacademy.uz