контент | меню | Кнопки доступа

Бош сахифа / Янгиликлар

“ЭЛ-ЮРТ УМИДИ” ЖАМҒАРМАСИ ДИРЕКТОРИ БИЛАН УЧРАШУВ

Нашр қилинган сана

08.10.2019

Кўрилди
81

Чоп этиш

2019 йил 4 октябрь куни Бош прокуратура Академиясида Ўзбекистон Республикаси Вазирлар Маҳкамаси ҳузуридаги «Эл-юрт умиди» жамғармаси директори А.Ш. Бекмуродов билан учрашув бўлиб ўтди.

Учрашувда “Эл-юрт умиди” жамғармасининг мақсад ва вазифалари, истиқболдаги режалари ҳамда олиб бораётган кенг кўламли ишлари хусусида айтиб ўтилди.

Шунингдек, жамғарма томонидан чет элда малака ошириш, стажировка ўташ, магистратура ва докторантура йўналишлари бўйича вазирликлар ва идоралар, маҳаллий давлат бошқаруви органлари мутахассис-кадрлари учун ташкил этиладиган стипендия танлови тўғрисида сўз борди.

Тадбир давомида чет элда малака ошириш йўналиши бўйича жамғарма томонидан ташкил этилган танловда Академиянинг 3 нафар ходими ғолиб деб топилганлиги ва чет давлатларда малака ошириш имкониятини қўлга киритганлиги алоҳида таъкидлаб ўтилди.

Тадбир якунида жорий йилнинг октябрь ойида жамғарма томонидан эълон қилинадиган навбатдаги танловида прокуратура органлари ходимларининг фаол иштирок этишига ишонч билдирилди.


ЎЗБЕКИСТОН РЕСПУБЛИКАСИ БОШ ПРОКУРАТУРАСИ АКАДЕМИЯСИ

Ягона ишонч телефони

1007

Бизнинг манзил

100047 Тошкент ш., Миробод т., Шахрисабз кўчаси, 42-уй
e-mail: info@proacademy.uz