контент | меню | Кнопки доступа

Бош сахифа / Янгиликлар

Бош прокуратура Академиясида сайёр суд мажлиси

Нашр қилинган сана

14.01.2020

Кўрилди
198

Чоп этиш

Бош прокуратура Академиясида ташкиллаштирилаётган ўқув курслари Ўзбекистон Республикаси Президентининг 2018 йил 8 майдаги “Прокуратура органлари кадрларини тайёрлаш, қайта тайёрлаш ва уларнинг малакасини ошириш тизимини тубдан такомиллаштириш чора-тадбирлари тўғрисида”ги ПФ–5438-сонли Фармони ҳамда Бош прокурор буйруғи билан тасдиқланган Академия Низоми талабларидан келиб чиққан холда ўқитишнинг амалий хусусиятига ва прокуратура органларининг касбий фаолияти билан узвий боғлиқликка алоҳида аҳамият берилган ҳолда амалга оширилмоқда.

Жумладан, жорий йилнинг 9 январида Академиянинг суд зали ўқув-иммитация хонасида Бош прокуратура Академияси магистрлари учун жиноят ишлари бўйича Юнусобод туман судининг судьяси З.Турсунов раислигида, давлат айбловчиси шу туман прокурори ёрдамчиси У.Олимжонов иштирокида ўзгалар мулкини ўзлаштириш ёки растрата йўли билан талон-тарож қилиш Жиноят кодексининг 167-моддаси  2-қисми билан айбланиб судга берилган О.А.га нисбатан жиноят иши бўйича сайёр суд мажлиси ташкиллаштирилди.

Суд процесси якунланганидан сўнг судья З.Турсунов ва Академиянинг судларда прокурор ваколатини таъминлаш кафедраси ўқитувчилари ҳамда магистратура тингловчилари иштирокида давра суҳбати ўтказилиб, унда кўрилган жиноят ишининг таҳлили, мазкур тоифадаги жиноят ишлари бўйича шаклланган суд амалиёти, мазкур тоифадаги жиноятларни тергов қилиш ва судда кўриш жараёнида учраётган муаммолар атрофлича муҳокама этилди.


ЎЗБЕКИСТОН РЕСПУБЛИКАСИ БОШ ПРОКУРАТУРАСИ АКАДЕМИЯСИ

Ягона ишонч телефони

1007

Бизнинг манзил

100047 Тошкент ш., Миробод т., Шахрисабз кўчаси, 42-уй
e-mail: info@proacademy.uz