контент | меню | Кнопки доступа

Бош сахифа / Янгиликлар

Давлат органларида коррупцияга қарши курашиш комплаенс назорати тизимини жорий этиш бўйича семинар ўтказилди

Нашр қилинган сана

11.03.2020

Кўрилди
402

Чоп этиш

2020 йил 6 март куни Бош прокуратура Академияси ҳамда Бош прокуратуранинг Ижтимоий соҳада қонунчилик ижроси устидан назорат бошқармаси билан ҳамкорликда давлат органларида коррупцияга қарши комплаенс назорати тизимини жорий этиш бўйича семинар ташкил этилди.

Тадбирда коррупцияга қарши курашиш бўйича “Коррупцияга қарши курашиш менеджмент тизими (ISO 37001:2016)” халқаро стандартини жорий этиш бўйича ишчи гуруҳ аъзолари – олий ва ўрта махсус таълим, қурилиш, соғлиқни сақлаш вазирликлари, Тошкент шаҳри ва Тошкент вилояти ҳокимликлари, Мирзо Улуғбек ва Бўка туманлари ҳокимликлари, шунингдек Бош прокуратура, Тошкент шаҳри ва Тошкент вилояти прокуратураларининг масъул ходимлари иштирок этдилар.

Тренерлар сифатида тадбирни «CERT Academy» халқаро тренерлик компанияси эксперти И.Инелеев ҳамда Бош прокуратура Академияси Коррупцияга қарши курашиш илмий-таълим маркази ходимлари олиб бордилар.

Семинар давомида универсал талабларга эга бўлган ҳамда шакли, ҳажми ва фаолият йўналишларидан қатъий назар корхоналарда қўллашга қаратилган ISO 37001:2016 стандартининг асосий қоидалари кўриб чиқилди. Шу билан бирга, экспертлар томонидан таъкидланишича, коррупцияга қарши комплаенс назорати тизимини самарали жорий этишнинг муваффақияти, аксарият ҳолларда ташкилот раҳбариятининг манфаатдорлик даражаси ва шахсий иштирокига боғлиқ ҳисобланади.

Семинарда ташкилотлар ва уларининг тармоқларида коррупцияга қарши курашиш механизмларини жорий этиш методлари, назоратнинг алоҳида турлари бўлган комплекс текширувлар, молиявий ва номолиявий назоратлар, шубҳали ҳолатлар бўйича хабар бериш тартиби, шунингдек коррупцияга оид ҳуқуқбузарликларни аниқлаш усуллари ва улар бўйича қарор қабул қилиш масалаларига алоҳида эътибор қаратилди.

Тренинг интерактив шаклда ўтказилиб, иштирокчилар ўзлари учун муҳим масалалар бўйича фикр алмашишди ва муҳокамаларни ўтказиб олишди.


ЎЗБЕКИСТОН РЕСПУБЛИКАСИ БОШ ПРОКУРАТУРАСИ АКАДЕМИЯСИ

Ягона ишонч телефони

1007

Бизнинг манзил

100047 Тошкент ш., Миробод т., Шахрисабз кўчаси, 42-уй
e-mail: info@proacademy.uz