контент | меню | Кнопки доступа

Бош сахифа / Янгиликлар

БМТнинг Иқтисодий ва ижтимоий кенгашининг Юқори даражадаги сиёсий форумида миллий Барқарор ривожланиш мақсадларини амалга ошириш бўйича Ихтиёрий миллий ҳисобот лойиҳаси муҳокамаси

Нашр қилинган сана

21.05.2020

Кўрилди
39

Чоп этиш

Жорий йилнинг 19 май куни Бош прокуратура Академияси вакиллари фуқаролик жамияти институтлари томонидан Барқарор ривожланиш мақсадларини амалга ошириш бўйича Ўзбекистоннинг биринчи Ихтиёрий миллий ҳисобот лойиҳаси муҳокамасида иштирок этди.

Тадбир “Юксалиш” умуммиллий ҳаракати томонидан БМТнинг Ўзбекистондаги доимий мувофиқлаштирувчиси ва Инсон ҳуқуқлари бўйича миллий марказ ёрдамида ташкил этилиб, гендер тенглиги, инсон ҳуқуқлари, оиладаги зўравонлик ва бошқа масалалар муҳокамасига бағишланди.

Академия раҳбарияти иштирокчиларни Барқарор ривожланишнинг
16-мақсади бўйича Ихтиёрий миллий ҳисобот лойиҳаси, миллий барқарор ривожланиш мақсадаларини амалга ошириш доирасида виктимизация ва MICS ислоҳотини ўтказиш масалалари ва Бош прокуратура томонидан мувофиқлаштириладиган “Самарадор бошқарув” гуруҳи фаолияти билан таништириб ўтди.

Тадбир иштирокчилари – Ўзбекистоннинг турли фуқаролик жамияти институтлари вакиллари томонидан Ихтиёрий миллий ҳисобот лойиҳаси бўйича билдирган аниқ фикр ва таклифлари ҳисоботни такомиллаштиришда инобатга олинишини таъкидлашди.

Ушбу ҳисобот 2020 йилнинг июль ойида ўтказиладиган БМТнинг Иқтисодий ва ижтимоий кенгашининг Юқори даражадаги сиёсий форумида тақдим этилиши режалаштирилган.


ЎЗБЕКИСТОН РЕСПУБЛИКАСИ БОШ ПРОКУРАТУРАСИ АКАДЕМИЯСИ

Ягона ишонч телефони

1007

Бизнинг манзил

100047 Тошкент ш., Миробод т., Шахрисабз кўчаси, 42-уй
e-mail: info@proacademy.uz