контент | меню | Кнопки доступа

Бош сахифа / Янгиликлар

ARIN-WCA тармоғи Бошқарув гуруҳининг йиғилиши ўтказилди

Нашр қилинган сана

26.06.2020

Кўрилди
79

Чоп этиш

Жорий йилнинг 25 июнь куни Ғарбий ва Марказий Осиё давлатларининг активларни қайтариш бўйича идоралараро тармоғи (ARIN-WCA) Котибияти – Ўзбекистон Республикаси Бош прокуратураси Академияси ҳамда Бирлашган Миллатлар Ташкилотининг Наркотик моддалар ва жиноятчилик бўйича бошқармаси билан биргаликда видеоконференцалоқа форматида тармоқ Бошқарув гуруҳининг йиғилиши ташкиллаштирилди.

Йиғилишда ARIN-WCA Бошқарув гуруҳининг аъзолари – Қозоғистон, Қирғиз Республикаси, Покистон, Туркманистон ва Ўзбекистон вакиллари ҳамда Бирлашган Миллатлар Ташкилотининг Наркотик моддалар
ва жиноятчилик бўйича бошқармаси экспертлари иштирок этишди.

Иштирокчилар ва экспертлар коронавирус (COVID-19) пандемияси даврида ARIN-WCA тармоғини самарали бошқариш ва унинг фаолиятини янада ривожлантириш, тармоқ бошқарувини назорат қилиш, активларни қайтариш соҳасида ҳамкорликни кенгайтириш, ARIN-WCAга аъзо давлатлар вакилларининг салоҳиятини оширишга қаратилган ўқув модулларини ишлаб чиқиш ва онлайн тренингларни ташкиллаштириш, тармоқнинг йиллик умумий йиғилишини ўтказиш ва шу каби бошқа ташкилий масалаларни муҳокама қилишди.

ARIN-WCA Котибияти сифатида Бош прокуратура Академияси Бошқарув гуруҳи аъзоларини тармоқни бошқариш доирасида амалга оширилган ишлар ва келгусидаги муҳим режалар тўғрисида хабардор қилишди.

Бошқарув гуруҳи йиғилишининг якунларига кўра иштирокчилар ARIN-WCA доирасида 2020 йилда амалга оширилиши керак бўлган муҳим вазифа ва тадбирларни белгилаб олишди. 


ЎЗБЕКИСТОН РЕСПУБЛИКАСИ БОШ ПРОКУРАТУРАСИ АКАДЕМИЯСИ

Ягона ишонч телефони

1007

Бизнинг манзил

100047 Тошкент ш., Миробод т., Шахрисабз кўчаси, 42-уй
e-mail: info@proacademy.uz