контент | меню | Кнопки доступа

Бош сахифа / Янгиликлар

Академия томонидан масофавий ўқитиш бўйича қўлланмалар ишлаб чиқилди ва нашр қилинди

Нашр қилинган сана

30.06.2020

Кўрилди
111

Чоп этиш

Академия ходимлари томонидан тизимли равишда прокуратура органлари ходимлари билим ва касбий кўникмаларини ривожлантиришга қаратилган махсус адабиётлар тайёрланиб келинади. Шу билан бирга масофавий таълимни ривожлантириш масалаларининг долзарблигидан келиб чиқиб, профессор-ўқитувчиларнинг масофавий ўқитиш жараёнида педагогик маҳоратини оширишга қаратилган қўлланмалар ишлаб чиқилди ва нашр этилди.

Академия ходимлари томонидан тайёрланган “Масофавий малака оширишнинг педагогик дизайни” номли ўқув-услубий қўлланма масофавий малака ошириш курсларини ташкил этиш бўйича бошланғич таҳлил ўтказиш, ўқув жараёнини лойиҳалаш, курс мазмунини ишлаб чиқиш, амалиётга жорий этиш, сифат ва самарадорликни баҳолаш усуллари каби масалаларни ўз ичига олган.

Шунингдек, “Масофавий ўқитишнинг дидактик тизими” номли амалий қўлланмада дидактиканинг методологик асослари, масофавий таълимнинг асосий дидактик тушунчалари, моделлари, дидактик тизим сифатида таълим мазмуни, ўқитиш тамойиллари, ўқитишни ташкил этиш шакллари, методлари, ўқитиш воситалари, ўқитиш жараёнини ташкил этиш ва назорат қилиш турлари, шакллари ва бошқа замонавий ўқитиш усуллари ёритилган.

Мазкур нашрлар тьюторлар, маъмурлар, мувофиқлаштирувчилар ва масофавий таълим жараёнининг бошқа иштирокчилари учун фойдали бўлади. Қўлланмалар прокуратура органлари ходимларининг масофавий малакасини ошириш курсларини сифатли ишлаб чиқиш ва ўқув жараёнини ўқитишнинг илғор усуллари асосида самарали ташкил этишга хизмат қилади.


ЎЗБЕКИСТОН РЕСПУБЛИКАСИ БОШ ПРОКУРАТУРАСИ АКАДЕМИЯСИ

Ягона ишонч телефони

1007

Бизнинг манзил

100047 Тошкент ш., Миробод т., Шахрисабз кўчаси, 42-уй
e-mail: info@proacademy.uz