контент | меню | Кнопки доступа

Бош сахифа / Янгиликлар

Академик мобиллик дастури доирасида халқаро семинарда иштирок этилди

Нашр қилинган сана

01.07.2020

Кўрилди
360

Чоп этиш

Халқаро ҳамкорлик доирасида Академия томонидан педагогик ва илмий ходимлар ҳамда тингловчиларнинг стажировкалари тизимли равишда ташкил этилиб, академик мобиллик дастурлари фаол амалга оширилмоқда.

Илгари эришилган келишувларга кўра, Академия магистратураси тингловчиси Т.Мустафаев жорий ўқув йилининг иккинчи семестрида Швециянинг Лунд университетида таҳсил олди.

Жорий йилнинг июнь ойида Т.Мустафаев Лунд университети томонидан “Марказий Осиёда тижорат ҳуқуқи” лойиҳаси доирасида мазкур университет профессор-ўқитувчилари ва тадқиқотчилари, шунингдек Марказий Осиёнинг илмий-тадқиқот муассасалари вакиллари иштирокида ташкил этилган халқаро семинарда қатнашди.

Тўрт йилга мўлжалланган ушбу тадқиқот лойиҳаси Европа Иттифоқи ва Марказий Осиё мамлакатлари университетлари орасида иккала ҳудудда иш ва ҳуқуқий маданият бўйича англашувни янада яхшилаш мақсадида академик ва тадқиқот бўйича ҳамкорликни назарда тутади.

Лойиҳа, шунингдек, Европа ва Марказий Осиё мамлакатлари академик муассасалари вакилларини узоқ муддатга жалб қилган ҳолда қўшма тадқиқотларни ташкил этиш ва ўтказишни назарда тутади.

Академия магистратураси тингловчиси томонидан тадбир доирасида тақдим қилинган “Ўзбекистоннинг коррупцияга қарши курашиш қонунчилигининг бизнес муҳитга таъсири” мавзусидаги тадқиқот режаси атрофлича муҳокама қилиниб, соҳанинг экспертлари томонидан маъқулланди. 


ЎЗБЕКИСТОН РЕСПУБЛИКАСИ БОШ ПРОКУРАТУРАСИ АКАДЕМИЯСИ

Ягона ишонч телефони

1007

Бизнинг манзил

100047 Тошкент ш., Миробод т., Шахрисабз кўчаси, 42-уй
e-mail: info@proacademy.uz