контент | меню | Кнопки доступа

Бош сахифа / Янгиликлар

Бош прокуратура Академияси магистратурасига қабул давом этмоқда

Нашр қилинган сана

27.07.2020

Кўрилди
877

Чоп этиш

2020/2021 ўқув йили учун Бош прокуратура Академияси магистратурасига ҳужжатларни қабул қилиш давом этмоқда (ҳужжатларни онлайн топшириш учун ҳавола: https://new.proacademy.uz/uz-lat/login). Ҳужжатларни топширишнинг охирги куни 10 август ҳисобланади.
Академия томонидан махсус ишлаб чиқилган платформада қуйидаги ҳужжатларни электрон шаклда онлайн топшириш кўзда тутилган:
сўровнома;
таржимаи ҳол;
паспорт ёки унинг ўрнини босувчи ҳужжат нусхаси;
3,5 х 4,5 см ўлчамли фотосурат;
олий маълумот тўғрисидаги диплом (давлат гранти асосида таълим олган Ўзбекистон Республикаси олий таълим муассасалари битирувчилари учун – дипломдан кўчирма);
чет тилини B2 ва ундан юқори даражада билишини тасдиқловчи давлат намунасидаги малака сертификатининг ёки халқаро сертификатлар нусхаси (мавжуд бўлганда);
меҳнат фаолияти ҳақида маълумот (иш стажи мавжуд бўлганда).
Прокуратура органлари ходимлари ҳисобланган ички номзодлар юқоридагилардан ташқари бевосита раҳбари томонидан ёзилган тавсиянома ва аттестация комиссиясининг магистратура кириш имтиҳонларида иштирок этишга тавсия этиш тўғрисидаги қароридан кўчирмани ҳам тақдим этадилар.
Номзодлар учун қулайлик яратиш ва ҳужжатларни топшириш жараёнини осонлаштириш мақсадида Академия томонидан ҳужжатларни онлайн тарзда тақдим этишни босқичма-босқич тушунтирадиган видеоқўлланма тайёрланди (https://www.youtube.com/watch?v=pUOgmTqtJPE).


Аввал хабар қилганимиздек, кириш имтиҳонлари ёзма имтиҳон ва суҳбатдан иборат. Ёзма имтиҳон хуқуқий мавзуларда эссе ва чет тили бўйича саволлардан иборат.
Имтиҳонларни ўтказишда очиқлик ва ошкораликни таъминлаш мақсадида:
– чет тили бўйича тест саволлари Давлат тест маркази томонидан тузилиб, марказ томонидан имтиҳон ўтказилади ва жавоблари баҳоланади;
– ёзма имтиҳонга, имтиҳон жавобларини текширишга ва суҳбат бўйича комиссия фаолиятига бошқа идоралар вакиллари кузатувчилар ва мутахассислар сифатида жалб қилинади;
– имтиҳон билетлари автоматик тарзда электрон генерация қилинади;
– имтиҳонни олиш, унинг жавобларини текшириш ва суҳбат жараёни тўлиқ видеотасвирга олинади;
– ҳар бир номзодга идентификацион рақам берилади ва имтиҳон жавоблари тўлиқ шифрланади.
Эссе мавзулари жиноят ҳуқуқи, жиноят-процессуал ҳуқуқи, фуқаролик ҳуқуқи ва фуқаролик-процессуал ҳуқуқи каби фанлардан тузилган.
Эссенинг ҳар бир билети 4 та саволни ўз ичига олиб, номзодга таклиф этилган саволлар орасидан ўзига энг яқин бўлган мавзуни танлаш имконияти берилади, бу эса уларнинг қобилияти ва билимларини янада юқори даражада очиб беришга ёрдам беради. 
Эссе ёзиш учун 2 соат вақт ажратилади. Натижалар 100 баллик тизимда баҳоланади.
Чет тили бўйича ёзма имтиҳон 2 та бўлим ва 40 та саволдан иборат:
– 1-бўлим: Ўқиш (20 та савол), ҳар бир тўғри жавоб учун 1,5 балл берилади;
– 2-бўлим: Лексик ва грамматик компетенциялар (20 та савол), ҳар бир тўғри жавоб учун 1 балл берилади.
Тест топшириғини бажариш учун 1 соат ва 20 дақиқа, жавоблар варақасини тўлдириш учун – 10 дақиқа, жами 1 соат ва 30 дақиқа вақт ажратилади.
Миллий сертификат ёки халқаро сертификатларнинг қуйидаги даражаларига эга бўлган номзодларга чет тилидан имтиҳонларсиз максимал балл берилади:
инглиз тили учун – B2 ва ундан юқори даражадаги миллий сертификат ёки International English Language Testing System (IELTS 5.5), Test of English as a Foreign Language (TOEFL IBT 72), Cambridge Assessment English FCE халқаро имтиҳон тизимлари бўйича тилни билиш даражалари B2 ва ундан юқори;
немис тили учун – B2 ва ундан юқори даражадаги миллий сертификат ёки Goethe-Zertifikat, Deutsches Sprachdiplom (DSD), Test Deutsch als Fremdsprache (Test DAF) халқаро имтиҳон тизимлари бўйича тилни билиш даражалари B2 ва ундан юқори;
француз тили учун – B2 ва ундан юқори даражадаги миллий сертификат ёки Diplôme d'Etudes en Langue Française (DELF), Тest de Connaissance du Français (TCF) халқаро имтиҳон тизимлари бўйича тилни билиш даражалари B2 ва ундан юқори;
бошқа тиллар учун – B2 ва ундан юқори даражадаги миллий сертификат ёки халқаро имтиҳон тизимлари бўйича тилни билиш даражалари B2 ва ундан юқори.
Эссе натижаларига кўра 55 ва ундан юқори балл тўплаган номзодлар кириш имтиҳонларининг кейинги босқичи – суҳбатга киритилади.
Суҳбат саволлари мутахассислик фанларидан тузилган бўлиб, ҳар бир билет 10 та саволни ўз ичига олади, шу билан бирга, номзодга 3 та саволга жавоб бериш имконияти берилади. Суҳбат натижалари 100 баллик тизимда баҳоланади.
Кириш имтиҳонлари билан боғлиқ барча саволлар, шу жумладан ёзма имтиҳон (эссе мавзулари) ва мутахассислик фанлари бўйича суҳбат саволлари Бош прокуратура Академиясининг расмий сайтида эълон қилинган.
Кириш имтиҳонларини муваффақиятли топширган номзодлар Академия магистратурасига қабул қилинади.
Кириш имтиҳонлари санаси ва жойи Академиянинг Қабул комиссияси томонидан қўшимча равишда эълон қилинади.
Кириш имтиҳонлари ҳақида қўшимча маълумот олишни истаган номзодлар учун ҳар куни онлайн консультациялар ўтказилмоқда.
Шунингдек, номзодлар Бош прокуратура Академияси ташкил топганидан буён бўлган фаолияти, таълим соҳасида ва илмий-тадқиқот фаолиятидаги ютуқлари, халқаро ҳамкорлик ва истиқболли соҳаларни ривожлантириш режалари ҳақида батафсил маълумот олиш имкониятига эга (https://www.youtube.com/watch?v=m2dKCw30lo4).

Академиянинг жорий биринчи ўқув йили магистрантлари томонидан Академиянинг магистратурасида таълим олиш тажрибалари ҳақида батафсил маълумот берилган видеоматериал (https://www.youtube.com/watch?v=jsMcq2jJCvQ) тайёрланди.

Ушбу видеоролик номзодларга Академиянинг магистратурасида ўқув жараёнини ташкил этишнинг ўзига хос хусусиятлари билан танишишга ва ўқишга кириш учун олий таълим муассасасини тўғри танлашда ёрдам беради.
Бош прокуратура Академиясининг жамоаси номзодларга кириш имтиҳонлари давомида зарур шароитларни яратиб беришга қаратилган барча чораларни кўради ва уларга омад тилаб қолади.
2020/2021 ўқув йили учун Ўзбекистон Республикаси Бош прокуратураси Академияси магистратура мутахассисликларига қабул квоталари

Шифр

Мутахассислик

Жами

Давлат гранти асосида

Тўлов-контракт асосида

Прокуратура ходимлари

Очиқ танлов

Прокуратура ходимлари

Очиқ танлов

30

15

3

-

12

5А240122

Прокурорлик фаолияти

10

5

1

-

4

5А240123

Коррупцияга қарши курашиш

10

5

1

-

4

5А240124

Тергов фаолияти

10

5

1

-

4

 
Қўшимча маълумотларни (71) 202-04-96 (1775) рақамига қўнғироқ қилиб, magistratura@proacademy.uz электрон почтаси манзилига хабар юбориш ёки Академиянинг t.me/ProsecutorAcademy телеграм каналига обуна бўлиш орқали олишингиз мумкин.
 

ЎЗБЕКИСТОН РЕСПУБЛИКАСИ БОШ ПРОКУРАТУРАСИ АКАДЕМИЯСИ

Ягона ишонч телефони

1007

Бизнинг манзил

100047 Тошкент ш., Миробод т., Шахрисабз кўчаси, 42-уй
e-mail: info@proacademy.uz