контент | меню | Кнопки доступа

Бош сахифа / Янгиликлар

COVID-19 ПАНДЕМИЯСИ ШАРОИТИДА ОДАМ САВДОСИГА ҚАРШИ КУРАШИШ

Нашр қилинган сана

30.07.2020

Кўрилди
87

Чоп этиш

Жорий йилнинг 29 июль куни Бош прокуратура Академияси томонидан Одам савдоси ва мажбурий меҳнатга қарши курашиш миллий комиссияси, Ўзбекистон Республикаси Инсон ҳуқуқлари бўйича Миллий маркази, Европада хавфсизлик ва ҳамкорлик ташкилотининг Ўзбекистондаги лойиҳалари координатори ҳамда БМТнинг Гиёҳвандлик ва жиноятчилик бўйича бошқармаси билан ҳамкорликда Одам савдосига қарши курашиш умумжаҳон кунига бағишлаб, “COVID-19 пандемияси шароитида Одам савдосига қарши курашиш” мавзусида онлайн халқаро давра суҳбати ўтказилди.

Ушбу тадбирда, 50 дан ортиқ давлат идоралари ва нодавлат нотижорат ташкилотлари, шунингдек халқаро ва хорижий ташкилотларнинг одам савдосига ва мажбурий меҳнатга қарши курашиш бўйича соҳа мутахассислари ва экспертлари иштирок этди.

Тадбир иштирокчилари одам савдосига қарши курашиш масаласи Ўзбекистонда давлат сиёсати даражасига кўтарилганини ҳамда давлат органларининг юқори даражадаги вакилларининг иштироки давлатининг бу мавзуга катта аҳамият берилаётганини таъкидлаб  ўтдилар.

Бугунги анжуманда, COVID-19 пандемиясининг натижаларини ва одам савдосининг янги турларини пайдо бўлишини ўрганиш, Ўзбекистон Республикаси ҳуқуқни муҳофаза қилиш органлари ва бошқа тегишли муассаса ходимлари учун мўлжалланган одам савдосига қарши курашиш соҳасидаги ўқув дастурларини янада такомиллаштириш бўйича олиб борилган тадқиқотнинг илк натижалари ва тавсиялари, бола савдосига қарши курашиш, одам савдосидан жабр кўрганларга миллий даражада реабилитация хизматларини кўрсатишни ташкил этиш, Ўзбекистон Республикасининг дипломатик ваколатхоналари ва консуллик муассасалари томонидан одам савдосидан жабрланганларга амалий ёрдам кўрсатиш мавзулари, шунингдек ушбу жиноятларни олдини олиш ва унга қарши кураш бўйича миллий саъй-ҳаракат ва бу борада ўзаро ҳамкорликни янада ривожлантириш масалалари қизғин муҳокама қилинди.

Давра суҳбати натижаларига кўра, одам савдосига қарши курашиш соҳасида эришилган ютуқлар, мавжуд муаммолар, бу борада давлат органлари ва фуқаролик жамияти институтлари ўртасида ўзаро ҳамкорликни янада кучайтириш масалалари белгилаб олинди.


ЎЗБЕКИСТОН РЕСПУБЛИКАСИ БОШ ПРОКУРАТУРАСИ АКАДЕМИЯСИ

Ягона ишонч телефони

1007

Бизнинг манзил

100047 Тошкент ш., Миробод т., Шахрисабз кўчаси, 42-уй
e-mail: info@proacademy.uz