контент | меню | Кнопки доступа

Бош сахифа / Янгиликлар

Elsevier компанияси вакиллари билан учрашув

Нашр қилинган сана

06.08.2019

Кўрилди
205

Чоп этиш

2019 йил 3 август куни Бош прокуратура Академиясида Elsevier (Нидерландия) компаниясининг минтақавий директори А.Оспанова ва миллий координатори Д.Алланазарова иштирокида учрашув ўтказилди.

Elsevier – дунёдаги энг йирик илмий нашриётлардан бири бўлиб, ҳар йили илмий журналларда чоп этилган барча мақолаларнинг чорак қисмини нашр этади. Elsevier онлайн-ечилмалари ScienceDirect, Scopus, SciVal ва бошқаларни ўз ичига олиб, фан, таълим ва турли соҳалардаги мутахассислар фаолиятини самарадорлигини оширишга хизмат қилади.

Учрашув давомида Академия билан Elsevier компаниясининг амалий ҳамкорлиги истиқболлари, шу жумладан Академия илмий фаолияти самарадорлигини ошириш, электрон илмий журнал ташкил этиш, компаниянинг электрон илмий ахборот маҳсулотлари ва хизматларига уланиш, шунингдек мазкур ахборот ресурсларидан фойдаланувчилар учун тренинглар ташкил этиш масалалари муҳокама қилинди.

Шунингдек, А.Оспанова томонидан илмий мақолаларни халқаро стандартлар асосида ёзишнинг ўзига хос хусусиятлари тўғрисида батафсил тушунтириш берилиб, юқори рейтингли халқаро журналларга мақолаларни чоп этиш бўйича маслаҳат ва тавсиялар берилди.

Учрашув якуни бўйича, белгиланган мақсад ва вазифаларини амалга ошириш бўйича кейинги қадамлар белгилаб олинди.


ЎЗБЕКИСТОН РЕСПУБЛИКАСИ БОШ ПРОКУРАТУРАСИ АКАДЕМИЯСИ

Ягона ишонч телефони

1007

Бизнинг манзил

100047 Тошкент ш., Миробод т., Шахрисабз кўчаси, 42-уй
e-mail: info@proacademy.uz