Давлатимиз раҳбарининг 257–сон Фармони билан Ўзбекистон Республикаси Ҳуқуқни муҳофаза қилиш академияси таркибида Рақамли криминалистика илмий-услубий маркази фаолияти йўлга қўйилди.

Рақамли криминалистика илмий-услубий маркази кибержиноятларни тергов қилиш усуллари, интернет тармоғидан маълумотларни йиғиш, рақамли криминалистиканинг махсус дастурий таъминотларни ишлатиш йўналишлари бўйича ўқув, ўқув-услубий ва илмий-тадқиқот фаолиятини амалга оширади.

Марказнинг мақсади Академия тингловчиларини замонавий рақамли криминалистика воситалари ёрдамида жиноятни иссиқ издан очиш, рақамли ашёвий далилларни ўз вақтида аниқлаб, топиб, қайд қилиб олиш, тергов ҳаракатлари ва тезкор-қидирув тадбирларини ўтказиш учун махсус билимга эга бўлган бўлажак ҳуқуқни муҳофаза қилиш органлари ходимлари сифатида мустақил касбий фаолиятга тайёрлашдан иборат.

Эндиликда, киберҳуқуқни такомиллаштириш, кибержиноятчиликка қарши курашишнинг замонавий технологияларини ўрганиш, кибермакондаги таҳдидларга фаол жавоб бериш билан боғлиқ услубий ва илмий таҳлилий фаолиятни кескин кучайтириш имкони яратилди.

Марказ таркибида яширин интернет тармоқларида тегишли рақамли далилларни қидириш ва қайд этиш бўйича ҳуқуқни муҳофаза қилиш органлари ходимларининг амалий кўникмаларини шакллантириш имконини берадиган мамлакатимиздаги ягона Dark Web ўқув лабораторияси ташкил этилди.

Лаборатория замонавий компьютер ва тармоқ ускуналари, жумладан, интернетнинг яширин сегментида ишлаш учун зарур дастурий таъминот билан таъминланган.

Ўқув жараёнида турли хил электрон қурилмаларда сақланадиган рақамли далилларни таҳлил қилиш, текшириш, идентификациялашнинг замонавий рақамли криминалистика усуллари, техникаси ва воситаларини ўқув жараёнида қўлланилади.

Ушбу лабораторияда криптовалюталар ва Darknet тармоғидан фойдаланган ҳолда содир этилган жиноятларни тергов қилиш бўйича ўқув курслари ва тадқиқот ишлари доимий равишда олиб борилиши йўлга қўйилган.

Шунингдек, марказ ходимлари томонидан кибержиноятчилик ва уларни тергов қилиш масалалари юзасидан мунтазам равишда хорижий экспертлар иштирокида тренинг ҳамда семинарлар ўтказилмоқда.

Академияда кибержиноятчиликка қарши курашиш бўйича ўқув-методологик қўлланмалар базасини кенгайтиришга алоҳида эътибор қаратилмоқда.

Шу жумладан, Европада хавфсизлик ва ҳамкорлик ташкилоти экспертлари билан ҳамкорликда “Ахборот технологиялари соҳасидаги жиноятлар (кибержиноятлар): турлари, квалификацияси ва тергов ҳаракатларини ўтказиш стратегияси” махсус ўқув қўлланмаси тайёрланиб, мингдан зиёд нашр нусхалари барча ҳуқуқни муҳофаза қилувчи органлар ва уларнинг ўқув муассасаларига фойдаланиш учун юборилди.

Мусаев Гайрат Фархадович
		Рақамли криминалистика илмий-услубий маркази бошлиғи “Рақамли далилларнинг процессуал аҳамияти” мавзусида юридик фанлар бўйича фалсафа доктори (PhD) илмий даражасини олиш учун диссертация тадқиқотини олиб бормоқда. Email: g.musaev@proacademy.uz

“Ахборот технологиялари соҳасидаги жиноятлар (кибержиноятлар): турлари, квалификацияланиши ва уларга нисбатан тергов ҳаракатларини ўтказиш тактикаси” ўқув қўлланмасининг муаллифи.

2023 йилда Ўзбекистон Республикаси Ҳуқуқни муҳофаза қилиш органлари академияси номидан “Кибержиноят ва рақамли далилларга кириш” мавзусида Тожикистон Республикаси ҳуқуқни муҳофаза қилиш органлари ходимларини ўқитишда халқаро эксперт ва тренер сифатида иштирок этган.

2017 йилда “Ўзбекистон Конституциясига 25 йил” эсдалик нишони;

2022 йилда “Ўзбекистон прокуратурасига 30 йил” эсдалик нишони билан тақдирланган.

Гаджиев Хагани Мохуббат оглы
		Рақамли криминалистика илмий-услубий маркази катта прокурори “Компьютер-техник экспертизасини услубий ва ташкилий-ҳуқуқий жиҳатларини такомиллаштириш” мавзусида юридик фанлар бўйича фалсафа доктори (PhD) илмий даражасини олиш учун диссертация иши олиб бормоқда. Email: x.gadjiyev@proacademy.uz

“Ўзбекистон Республикаси Мустақиллигига 25 йил” эсдалик нишони

“Ўзбекистон Республикаси ИИВнинг 30 йиллигига” эсдалик нишони

“Дактилоскопия”, “Трасология”, “Баллистика”, “Портрет”, “Компьютер-техник”, “Мобил қурилмалар экспертизаси” каби 6 та ихтисослик бўйича криминалистик экспертизаларини мустақил бажариш ҳуқуқига эга.

“Ахборот технологиялари соҳасидаги жиноятлар (кибержиноятлар): турлари, квалификацияланиши ва уларга нисбатан тергов ҳаракатларини ўтказиш тактикаси” ўқув қўлланмасининг муаллифи.

Коновалов Илья Борисович
		Рақамли криминалистика илмий-услубий маркази прокурори Кроност нореляцион маълумотлар базаларни бошқариш тизими ва Oracle маълумотлар базаларини бошқариш бўйича сертификатлаштирилган мутахассис. Email: konovalov@proacademy.uz

2017 йилда “Ўзбекистон Конституциясига 25 йил” эсдалик нишони;

2022 йилда “Ўзбекистон прокуратурасига 30 йил” эсдалик нишони билан тақдирланган.

Марказ мутахасисслари билан ҳамкорликда “Рақамли криминалистика” модули бўйича электрон дарслик ишлаб чиқмоқда.

Ахборотни тўплаш ва қайта ишлаш, шунингдек пул ёки бошқа мол-мулк билан кирувчи хабарларни бирламчи қайта ишлаш, тизимининг муаллифи, унинг асосида ҳозирда Бош прокуратура ҳузуридаги Иқтисодий жиноятларга қарши кураш департаменти ахборот тизими қурилган.