Лунд университети профессори билан ҳамкорлик масалалари муҳокама қилинди

Академияга Лунд университетининг (Швеция) профессори Патрик Олссоннинг навбатдаги ташрифи бўлиб ўтди.

Лунд университетининг ҳуқуқ социологияси департаменти вакили, Академиянинг ишончли ҳамкори Академиянинг янги биноси ва ўқув инфратузилмаси билан яқиндан танишиб чиқди.

Учрашув давомида Академия билан ҳамкорликни янада ривожлантириш, шу жумладан, истиқболли лойиҳаларни ишлаб чиқиш ва амалга ошириш, қўшма тадқиқотлар ўтказиш ва Академиянинг илмий-ўқув салоҳиятини мустаҳкамлашга қаратилган ташаббусларни амалга ошириш масалалари муҳокама қилинди.