Факультетнинг асосий вазифалари қуйидагилардан иборат:

бакалавриат таълим дастури бўйича юридик кадрлар тайёрлашга қаратилган ташкилий ва ўқув-услубий фаолият соҳасига оид қонунчилик ҳужжатлари, Бош прокуратуранинг ҳайъати қарорлари ва иш режалари, Академия Кенгаши қарорлари ва Академия иш режалари, Бош прокурор ва Академия бошлиғининг буйруқ, фармойиш ва кўрсатмалари ижросини қатъий таъминлаш;

бакалавриат таълим йўналишига ўқишга қабул қилишни сифатли ташкил этишда, шу жумладан, талабгорларнинг ҳужжатларини қабул қилиш, ўрганиш, жамлаш, танловни ўтказиш, маслаҳатлар бериш ҳамда бошқа ташкилий масалаларни мувофиқлаштириш;

бакалавриат таълим йўналишида назарий тайёргарликнинг ҳуқуқни қўллаш фаолияти билан узвий боғлиқлигини таъминлайдиган ўқитишнинг замонавий шакл ва усуллари, педагогик, ахборот-коммуникация, инновацион технологиялар асосида ишлаб чиқилган ҳамда талабаларда тизимли таҳлил ва танқидий фикрлаш, шунингдек, касбий кўникмаларни ривожлантиришга қаратилган ўқув режалари ва дастурларига мувофиқ ўқув жараёнини ташкил этиш;

инсон ҳуқуқ ва эркинликларига сўзсиз риоя қилиш маданияти билан уйғунлашган юксак маънавий, психологик, таҳлилий ва касбий сифатларни ривожлантиришнинг самарали тизимини жорий этган ҳолда, юриспруденция, шу жумладан, жиноятларни тергов қилиш соҳасида бакалавриат таълим йўналишида мутахассисларни чуқурлаштирилган мақсадли базавий тайёрлашни таъминлаш;

талабаларда махсус касбий кўникмаларни шакллантириш ва ривожлантириш, уларни суд-ҳуқуқ соҳасидаги ислоҳотларнинг мазмун-моҳиятини етказишга қаратилган дастурлар асосида тергов ҳамда ҳуқуқни муҳофаза қилиш фаолиятининг бошқа соҳалари бўйича ўқув жараёнига жалб қилиш;

жиноятларни тергов қилиш методикаси ва тактикасини самарали белгилаш асосида жиноят ишлари бўйича мустақил иш юритиш кўникмаларини ривожлантиришга қаратилган интерфаол ўқитиш методларини таълим жараёнига тадбиқ этишда иштирок этиш;

ўқитишнинг замонавий шакллари, педагогик ва ахборот технологиялари асосида назарий тайёргарликнинг ҳуқуқни қўллаш амалиёти билан узвий боғлиқлигини таъминлашга қаратилган ўқув жараёнини ташкил этишда Академия таркибий тармоқлари фаолиятини мувофиқлаштириш;

таълим жараёнини ташкил этишга оид ҳужжатлар лойиҳаларини ишлаб чиқиш;

талабаларнинг назарий билимларини қонун ижодкорлиги ва ҳуқуқни қўллаш амалиёти билан узвий боғлиқлигини таъминлаш мақсадида прокуратура, суд ва бошқа давлат органлари билан ҳамкорликни амалга ошириш;

ўқув жараёнига прокуратура, суд ва ҳуқуқни муҳофаза қилувчи органлар, шунингдек, етакчи маҳаллий ва хорижий таълим муассасалари, таҳлилий, тадқиқот марказларининг юқори даражада касбий маҳоратга ҳамда амалий иш тажрибасига эга бўлган мутахассисларини жалб этилишини ташкил қилиш;

ўқув жараёни учун хоналар эҳтиёжини аниқлаш, ажратилган хоналардан оқилона фойдаланилишини назорат қилиш;

ўқув жараёнини моддий-техник, ахборот-коммуникацион ва дидактик таъминлашга қаратилган тадбирларни амалга ошириш  ва ҳ.к.

Каюмов Бахтиёр Эркинжонович
		Факультет бошлиғи, адлия маслаҳатчиси, ю.ф.ф.д. (PhD). “Давлат хусусий шерикчиликнинг ҳуқуқий асосларини такомиллаштириш” мавзусида юридик фанлар бўйича фалсафа доктори (PhD) илмий даражасини олиш учун диссертацияни муваффақиятли ҳимоя қилган.  Email: kayumov_bahtiyor@proacademy.uz

“Ўзбекистон Республикаси мустақиллига 20 йил” ва “Ўзбекистон прокуратурасига 30 йил” эсдалик нишонлари билан тақдирланган.

Очилов Самариддин Камолиддинович
		Факультет катта прокурори, 2-даржали юрист. Email: s.k.ochilov@proacademy.uz

Каримов Алибек Валиевич
		Факультет прокурори, адлия кичик маслаҳатчиси. Email: a.v.karimov@proacademy.uz

«Ўзбекистон Республикаси мустақиллигининг 30 йиллиги» ва «Ўзбекистон Конституциясининг 30 йиллиги» эсдалик нишонлари билан тақдирланган.