Ҳуқуқни муҳофаза қилиш академиясининг идоралараро ҳамкорлик алоқалари тўғрисида маълумот

Ўзбекистон Республикаси Президентининг 2018 йил 8 майдаги “Прокуратура органлари кадрларини тайёрлаш, қайта тайёрлаш ва уларнинг малакасини ошириш тизимини тубдан такомиллаштириш чора-тадбирлари тўғрисида”ги ПФ-5438-сон Фармонининг 2-бандида ўқув жараёнининг сифатини ошириш бўйича тажриба алмашиш, саъй-ҳаракатларни бирлаштириш мақсадида юридик кадрларни тайёрловчи, қайта тайёрловчи ва уларнинг малакасини оширувчи таълим ва илмий-тадқиқот муассасалари билан самарали идоралараро ҳамкорликни чуқурлаштириш Бош прокуратура Академияси фаолиятининг асосий вазифалари ва йўналишлари этиб белгиланган.

Ўтган давр мобайнида Бош прокуратура Академияси билан қуйидаги ташкилот ва илмий-тадқиқот муассасалари ўртасида ҳамкорлик муносабатлари ўрнатилди ҳамда унинг ҳуқуқий асослари мустаҳкамланди:

•  Тошкент давлат юридик университети
   
•  Ички ишлар вазирлиги Академияси
   
•  Юристлар малакасини ошириш маркази
   
•  Жаҳон иқтисодиёти ва дипломатия университети
   
•  Тошкент шаҳридаги Халқаро Вестминстер университети
   
•  Ўзбекистон Республикаси Судьялар олий кенгаши ҳузуридаги Судьялар олий мактаби
   
•  Ўзбекистон Республикаси Олий Мажлиси ҳузуридаги Қонунчилик муаммолари ва парламент тадқиқотлари институти
   
•  Ўзбекистон Республикаси Давлат хавфсизлик хизмати Институти
   
• «Рақамли ишонч» рақамли иқтисодиётни ривожлантиришни қўллаб-қувватлаш жамғармаси
   
• Мутахассисларни хорижда тайёрлаш ва ватандошлар билан мулоқот қилиш бўйича «Эл-юрт умиди» жамғармаси
   
• Абу Райҳон Беруний номидаги Бизнес ва бошқарув республика олий мактаби
   
• Ўзбекистон Республикаси Давлат солиқ қўмитаси ҳузуридаги Малака ошириш маркази
  
• Муҳаммад ал-Хоразмий номидаги Тошкент ахборот технологиялари университети

• Алишер Навоий номидаги Тошкент давлат ўзбек тили ва адабиёти университети

• Инсон ҳуқуқлари бўйича Ўзбекистон Республикаси Миллий маркази

• Ўзбекистон Республикаси Давлат божхона қўмитасининг Божхона институти
• Миллий гвардия Ҳарбий-техник институти
• Ўзбекистон ёшлар иттифоқи

Бош прокуратура Академияси томонидан ҳамкор ташкилотлар билан биргаликда ёки уларни жалб этган ҳолда мунтазам равишда конференциялар, давра суҳбатлари, ўқув семинарлари ташкил этилиб, шунингдек қўшма ўқув дастурлари ва илмий тадқиқотлар амалга оширилиб келинмоқда.

Бугунги кунда Академиянинг илмий ва таълим салоҳиятини янада мустаҳкамлаш мақсадида манфаатдор ташкилот ва муассасалар билан самарали ҳамкорлик алоқаларини кенгайтириш ва ривожлантириш борасида изчил фаолият давом эттирилмоқда.