Академия раҳбарияти

Коленко Евгений Вячеславович - 1977 йил 21 февралда Тошкент шаҳрида туғилган, 1999 йилда Тошкент давлат юридик институтини, 2013 йилда Ўзбекистон Республикаси Бош прокуратурасининг Олий ўқув курсларини тамомлаган. Юридик фанлар бўйича фалсафа доктори, профессор. Адлия катта маслаҳатчиси. Меҳнат фаолиятини 1999 йилда Тошкент шаҳар Чилонзор тумани прокуратурасида бошлаган. Кейинги йилларда Тошкент шаҳар прокуратураси ҳамда Ўзбекистон Республикаси Бош прокуратурасининг турли масъул лавозимларида фаолият юритган. 2017–2018 йилларда Ўзбекистон Республикаси Бош прокуратурасининг Олий ўқув курслари бошлиғи, 2018–2023 йилларда Бош прокуратура Академияси бошлиғи лавозимларида ишлаган. 2023 йилдан Ўзбекистон Республикаси Ҳуқуқни муҳофаза қилиш академияси бошлиғининг биринчи ўринбосари лавозимида фаолият юритмоқда. 2008 йилда ”Жасорат медали”, 2017 йилда “Дўстлик ордени” билан тақдирланган.

Турахонов Дурбек Лермонович - 1986 йил 25 январда Андижон вилоятида туғилган. 2006 йилда Тошкент давлат юридик институтини, 2018 йилда Ўзбекистон Республикаси Бош прокуратураси Академиясини, 2022 йилда Тошкент шаҳридаги Халқаро Вестминстер университетини тамомлаган. Доцент илмий унвонига эга. Адлия катта маслаҳатчиси. Меҳнат фаолиятини 2006 йилда Андижон шаҳар прокуратурасида бошлаган. Кейинчалик Андижон вилояти прокуратураси ҳамда Ўзбекистон Республикаси Бош прокуратураси тизимида турли масъул вазифаларда фаолият юритган. 2019–2021 йилларда Ўзбекистон Республикаси Бош прокуратураси Академиясининг қонунчилик ижроси устидан назоратни ташкил этиш кафедраси бошлиғи, 2021–2023 йилларда Академия бошлиғининг ўқув ишлари бўйича биринчи ўринбосари лавозимларида фаолият юритган. 2023 йилдан Ўзбекистон Республикаси Ҳуқуқни муҳофаза қилиш академияси бошлиғининг молия-иқтисод ишлари бўйича ўринбосари лавозимида ишлаб келмоқда.

Одинаев Адҳам Саъдуллоевич - 1985 йил 2 июлда Қашқадарё вилоятида туғилган. 2007 йилда Тошкент давлат юридик институти бакалавриат босқичини, 2009 йилда мазкур институтнинг магистратура босқичини тамомлаган. Юридик фанлар доктори (DSc), профессор. Адлия катта маслаҳатчиси. Меҳнат фаолиятини 2009 йилда Ўзбекистон Республикаси Бош прокуратурасининг Олий ўқув курсларида ўқитувчи сифатида бошлаган. Кейинчалик Тошкент вилояти прокуратураси органлари ҳамда Ўзбекистон Республикаси Бош прокуратураси тизимида турли масъул лавозимларида ишлаган. 2020–2023 йилларда Ўзбекистон Республикаси Бош прокуратураси Академиясида катта прокурор, кафедра бошлиғи ва Ўқув жараёнини ташкил этиш ва назорат қилиш бўлими бошлиғи лавозимларида фаолият юритган. 2023–2025 йилларда Ўзбекистон Республикаси Ҳуқуқни муҳофаза қилиш академиясининг Ўқув-услубий бошқармаси бошлиғи, 2025–2026 йилларда Академия бошлиғининг илмий ишлар ва инновациялар бўйича ўринбосари вазифасини бажарувчиси бўлган. 2026 йилдан Ўзбекистон Республикаси Ҳуқуқни муҳофаза қилиш академияси бошлиғининг илмий ишлар ва инновациялар бўйича ўринбосари лавозимида фаолият юритмоқда.

Нигмаджанов Уйгун Учкунович - 1981 йил 26 январда Тошкент шаҳрида туғилган. 2003 йилда Тошкент давлат юридик институтини, 2014 йилда Ўзбекистон Республикаси Бош прокуратурасининг Олий ўқув курсларини, 2025 йилда Буюк Британиянинг Sussex университетини тамомлаган. Адлия катта маслаҳатчиси. Меҳнат фаолиятини Ўзбекистон Республикаси Олий суди тизимида бошлаб, кейинчалик Тошкент шаҳар прокуратураси ва Ўзбекистон Республикаси Бош прокуратураси тизимида турли масъул лавозимларда фаолият юритган. 2018–2023 йилларда Ўзбекистон Республикаси Бош прокуратураси Академияси бошлиғининг молия-иқтисод ишлари бўйича ўринбосари, 2023 йилдан хозирги кунга қадар Ўзбекистон Республикаси Ҳуқуқни муҳофаза қилиш академияси бошлиғининг халқаро ҳамкорлик ва ёшлар билан ишлаш бўйича ўринбосари лавозимларида фаолият юритмоқда.