Ўзбекистон Республикаси Ҳуқуқни муҳофаза қилиш академиясининг Криминалистика ва суд экспертизалари кафедраси Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сон Фармонига мувофиқ ташкил этилган.

Криминалистика ва суд экспертизалари кафедраси тергов фаолиятига ихтисослаштирилган кафедра ҳисобланиб, тергов фаолиятига йўналтирилган фанлар бўйича таълим жараёнини амалга оширади. Шунингдек, кафедрада тергов полигони ва криминалистик лаборатория мавжуд бўлиб, у ерда назарий таълимни амалий жиҳатдан мустаҳкамлаш мақсадида хонадон шароитида содир этиладиган жиноят ҳолатлари моделлаштириш ҳамда тергов ҳаракатларида йўл қўйилаётган хато ва камчиликларни таҳлил қилиш имконияти мавжуд.

Криминалистика ва суд экспертизалари асосий мақсад ва вазифалари қуйидагилар ҳисобланади:

Модуль тизими ва ўқитишнинг инновацион методларидан фойдаланиб, ахборот-коммуникация технологияларини қўллаган ҳолда юридик таълим йўналишлари ва мутахассисликлари бўйича юқори малакали, таҳлилий мулоҳаза юрита оладиган, норматив-ҳуқуқий ҳужжатларни шарҳлаш ва мустақил равишда қарорлар қабул қилиш маҳоратига эга бўлган, истиқболга мўлжалланган вазифаларни илгари суриш ҳамда ҳал этишга қодир мутахассисларни шакллантиришга қаратилган ўқув ишларини ташкил этиш;

илмий-методик ишлар соҳасида – ўқув жараёнининг илмий-методик асосларини ишлаб чиқиш, ўқув-услубий материаллар билан таъминлаш, ушбу соҳадаги хорижий тажрибани ўрганган ҳолда профессор-ўқитувчиларнинг меҳнат унумдорлиги ва таълим сифати ҳамда самарадорлигини оширишга хизмат қиладиган замонавий таълим технологияларини жорий қилиш;

маънавий-ахлоқий ва тарбиявий ишлар соҳасида – талаба (тингловчи) ёшларни маънавий, интеллектуал, жисмоний ва ахлоқий жиҳатдан камол топишига кўмаклашиш ва миллий қадриятларни ҳурмат қилиш, ватанпарварлик, фуқаролик туйғуси, бағрикенглик, қонунларга, миллий ва умуминсоний қадриятларга ҳурмат руҳида, зарарли таъсирлар ва оқимларга қарши тура оладиган, ҳаётга бўлган қатъий ишонч ва қарашларга эга қилиб тарбиялаш, давлат ва жамият олдида ўз масъулиятини ҳис этиш, инсонпарварлик, миллатлараро тотувлик, адолат ва қонун устуворлиги мезонларини англаб етиш ва унга риоя этиш руҳида тарбиялаш.

ПРОФEССОР-ЎҚИТУВЧИЛАР ТАРКИБИ

Астанов Истам Рустамович
		Кафедра бошлиғи, ю.ф.д., профессор. "Жиноят ишлари бўйича махсус билимлардан фойдаланишнинг процессуал ва криминалистик жиҳатлари" мавзусида докторлик диссертациясини ҳимоя қилган. Email: i.r.astanov@proacademy.uz

АҚШ, Корея Республикаси, Япония (2019 йилда UNIFAI ташкилотида) давлатларида малака оширган. Жиноят-процессуал ҳуқуқи, криминалистика, суд экспертизаси, рақамли далилларни тўплаш, текшириш, баҳолаш, кибержиноятларни тергов қилиш соҳалари мутахассиси ҳисобланади.

160 дан зиёд илмий ишлар муаллифи: республика журналлари, газеталари ва илмий мақолалар тўпламларида 132 та мақола, 11 та хорижий нашрларда, ҳаммуаллифликда 4 та дарслик, 6 та рисола, 6 та ўқув-услубий қўлланма, 7 та ўқув қўлланма, 2 та ўқув-амалий қўлланма, 2 та шарҳ, 5 та монография.

Ҳаммуаллифликда прокуратура органлари ходимлари учун “Кўздан кечириш тергов ҳаракати имкониятлари”, “Экспертиза тайинлаш ва ўтказиш тартиби”, “Дастлабки терговда тафтиш тайинлаш ва ўтказиш”, “Дастлабки терговнинг процессуал ва тактик асослари”, Экспертиза текшируви учун намуналар олиш жараёни: муаммо ва ечим” номли услубий қўлланмалар чоп эттирилган.

Баҳодиров Ўткирхон Бахриддинович
		Кафедра катта ўқитувчиси. Email: o.b.bahodirov@proacademy.uz

Магистратура босқичидаги тингловчилар учун “Шахсий эркинлик ва дахлсизлик ҳуқуқи” ўқув модули бўйича “Шахсий эркинлик ва дахлсизлик ҳуқуқига оид халқаро стандартлар таҳлили (БМТ, Европа, минтақавий ҳужжатлар мисолида)” мавзусидаги ўқув дастури муаллифи, Швециянинг Лунд Университетида тингловчиларни шахсий эркинлик ва дахлсизлик ҳуқуқига оид миллий ва хорижий қонунчилик юзасидан малака оширган.

Ҳаммуаллифликда “Криминалистика ва суд экспертизалари” модули бўйича электрон дарслик ишлаб чиқмоқда.

“Шахсий эркинлик ва дахлсизлик ҳуқуқи” йўналишида ўқув-методик мажмуа муаллифи, “Шахсий эркинлик ва дахлсизлик ҳуқуқи” мавзусидаги малака ошириш курсининг контенти ҳаммуаллифи.

Каримов Ифтихор Ибрагимович
		Кафедра катта ўқитувчиси, ю.ф.ф.д. (Phd). "Диний экстремизм хусусиятидаги жиноятларни тергов қилишнинг криминалистик жиҳатлари" мавзусида докторлик (PhD) диссертациясини ҳимоя қилган. Email: i.i.karimov@proacademy.uz

Индонезия, Россия Федерациясида малака оширган. Жиноят-процессуал ҳуқуқи, криминалистика, суд экспертизаси, экстремизм, терроризм, қасддан соғликка шикаст етказиш, номусга текиш, ўзгалар мулкини талон-тарож қилиш босқинчилик, талончилик, ўғирлик, фирибгарлик, товламачилик, йўл-транспорт ҳодисаси, гиёҳвандлик ва психотроп моддаларнинг ноқонуний айланмаси, одам савдоси билан боғлиқ жиноятларни тергов қилиш соҳалари мутахассиси ҳисобланади.

30 га яқин илмий ишлар муаллифи: республика журналлари, газеталари ва илмий мақолалар тўпламларида 17 та, 4 та хорижий нашрларда мақола, ҳаммуаллифликда 2 та дарслик, 2 та ўқув-услубий қўлланма, 4 та ўқув қўлланма. Прокуратура ва бошқа ҳуқуқни муҳофаза қилиш органлари ходимлари учун “Замонавий террористик ва экстремистик ташкилотларнинг жамиятга таҳдиди”, “Террористик ва экстремистик ташкилотларнинг фаолияти: мақсад ва вазифалари”, “Ёшларни экстремистик ғоялар таъсирига тушиб қолишини олдини олиш бўйича”, “Жиҳодчилар” экстремистик оқимининг вужудга келиши: мақсад ва вазифалари”, “Жиноятларни тергов қилиш методикаси”, “Axбoрoт-кoммуникaция теxнoлoгиялaри вoситaсидa сoдир этилгaн жинoятлaрни тергoв қилиш” услубий қўлланмалар ҳаммуаллифи.

АҚШ Адлия департаменти Жиноятларни тергов қилиш бўйича малака оширишга кўмак кўрсатиш халқаро дастури (ICITAP) доирасида АҚШ ва Буюк Британия мутахассислари билан ҳамкорликда терроризмга қарши курашиш йўналишида фаолият олиб борувчи терговчиларни билими ва касбий тайёргарлигини мустаҳкамлаш мақсадида тайёрланган, International Association of Directors of Law Enforcement Standards and Training сайтига жойланган, халқаро сертификат берилган “Терроризмга қарши курашиш ва тергов ҳаракатлари курси” ҳаммуаллифи.

Ражабов Бекзод Халимович
		Кафедра катта ўқитувчиси, ю.ф.ф.д. (PhD) “Прокурор-криминалистнинг жиноят-процессуал ва криминалистик фаолиятини такомиллаштириш” мавзусида юридик фанлар бўйича фалсафа доктори (PhD) илмий даражасини олиш учун диссертация ишини муваффақиятли ҳимоя қилган. Email: b.x.rajabov@proacademy.uz

Хорижий, республика ва илмий тўплам ва газеталарда 20 дан ортиқ илмий ва оммабоп мақолалари муаллифи. Прокурор-тергов ва илмий ходимлар фойдаланиши учун мўлжалланган “Прокурор-криминалистлар фаолиятини ташкил қилиш” номли услубий қўлланмаси, ҳаммуаллифликдаги “Жиноятларни тергов қилиш методикаси”, “Криминалистика” дарсликлари, “Жиноят процессида амалий кўникмаларни ривожлантириш бўйича клиник семинарлар”, “Axбoрoт-кoммуникaция теxнoлoгиялaри вoситaсидa сoдир этилгaн жинoятлaрни тергoв қилиш” номли ўқув қўлланмалари чоп этилган.

Автор более 20 научных и публицистических статей, опубликованных в зарубежных и республиканских изданиях, а также в научных сборниках и газетах.

Изданы: методическое пособие «Организация деятельности прокуроров-криминалистов», предназначенное для использования прокурорами-следователями и научными работниками; в соавторстве подготовлены учебники «Методика расследования преступлений», «Криминалистика», а также учебные пособия «Клинические семинары по развитию практических навыков в уголовном процессе», «Расследование преступлений, совершенных с использованием информационно-коммуникационных технологий».

Ботаев Мурод Джуманшикович
		Кафедра доценти, ю.ф.ф.д. (PhD), доцент. "Терговга қадар текширув институтини такомиллаштириш” мавзусида диссертация ишини ҳимоя қилган. Email: m.d.botayev@proacademy.uz

Хитой, Хиндистон, Россия Федерацияси, Беларусь Республикаси давлатларида малака оширган. Жиноят-процессуал ҳуқуқи, криминалистика, суд экспертизаси, жиноятларни тергов қилиш соҳалари мутахассиси ҳисобланади. 110 дан зиёд нашрлар муаллифи: республика журналлари, газеталари ва илмий мақолалар тўпламларида 83та мақола, 14 таси хорижий нашрларда, ҳаммуаллифликда 6 та дарслик, 8 та ўқув-услубий қўлланма, 3 та ўқув қўлланма, 3 та ўқув-амалий қўлланма, 1 та шарҳ, 1 та монография.

Мирзаходжаев Даврон Атхамович
		Кафедра катта ўқитувчиси. Email: d.a.mirzaxodjayev@proacademy.uz

Жиноят-процессуал ҳуқуқи, криминалистика, суд экспертизаси, экстремизм, терроризм, қасддан соғликка шикаст етказиш, номусга текиш, ўзгалар мулкини талон-тарож қилиш босқинчилик, талончилик, ўғирлик, фирибгарлик, товламачилик, йўл-транспорт ҳодисаси, гиёҳвандлик ва психотроп моддаларнинг ноқонуний айланмаси, одам савдоси билан боғлиқ жиноятларни тергов қилиш соҳалари мутахассиси.

Республика журналлари, газеталари ва илмий мақолалар тўпламларида 5 та мақола, 2 таси хорижий нашрларда, ҳаммуаллифликда 3 та дарслик, 2 та ўқув-услубий қўлланма, 4 та ўқув қўлланма муаллифи, “Жиноятларни тергов қилиш методикаси”, “Axбoрoт-кoммуникaция теxнoлoгиялaри вoситaсидa сoдир этилгaн жинoятлaрни тергoв қилиш” услубий қўлланмалар ҳамммуаллифи.

Набиев Ғайрат Шухрат ўғли
		Кафедра ўқитувчиси. Email: g.sh.nabiyev@proacademy.uz

Ғ.Набиев мутахассислиги бўйича “Юрист”, ихтисослиги бўйича “Суд эксперти”. Криминалистик экспертизаларининг 7 та ихтисослиги бўйича “Дактилоскопия”, “Трасология”, “Совуқ қуроллар тадқиқоти”, “Ҳужжатларни техник экспертизаси”, “Хатшунослик”, “Баллистика”, “Портрет” мустақил бажариш ҳуқуқини берувчи гувоҳномаларга эга.

“Криминалистика ва суд экспертизалари муаммолари” йўналишида ўқув-методик мажмуа ҳамда “Суд экспертизалари муаммолари” мавзусидаги малака ошириш курси муаллифи.

Россия Федерация ва Индонезия давлатларида малака оширган. Республика журналлари, газеталари ва илмий мақолалар тўпламларида 7 та илмий мақола, хорижий нашрларда 3 та мақола чоп эттирган.

Жиноят-процессуал ҳуқуқи, криминалистика, суд экспертизаси, жиноятларни тергов қилиш соҳалари мутахассиси ҳисобланади. 2022 йилда ўтказилган “Йилнинг энг яхши эксперт-криминалисти” қўрик-танловининг ғолиби.

Ҳаммуаллифлик асосида “Экспертиза текшируви учун намуналар олиш жараёни: муаммо ва ечимлар”, “Жиноят ишларини юритишда тайинланадиган экспертизалар”  ўқув-услубий қўлланмалар чоп этилган.

Кахрамонов Азизбек Собирович
		Кафедра ўқитувчиси. Жиноят иши бўйича рақамли маълумотдан фойдаланишнинг ҳуқуқий ва методологик асослари» мавзусида юридик фанлари бўйича фалсафа доктори (PhD) даражасини олиш учун диссертация тадқиқоти олиб бормоқда. Email: a.s.kaxramonov@proacademy.uz

Криминалистик экспертизаларининг 8 та ихтисослиги бўйича “Компьютер-техник экспертизаси”, “Дактилоскопия”, “Трасология”, “Совуқ қуроллар тадқиқоти”, “Ҳужжатларни техник экспертизаси”, “Хатшунослик”, “Баллистика”, “Портрет” мустақил бажариш ҳуқуқини берувчи гувоҳномаларга эга.

Туркия Республикаси, Россия Федерцияси, МДҲ давлатларида малака оширган. Криминалистика, суд экспертизаси, рақамли далилларни аниқлаш, олиш, тўплаш, текшириш, баҳолаш, кибержиноятларни тергов қилиш соҳалари мутахассиси ҳисобланади. Республика ва ҳалқаро журналлари, газеталари ва илмий мақолалар тўпламларида 6 та мақола, хорижий нашрларда 2 та мақола, 5 та ўқув қўлланма чоп эттирган.