Халқаро ҳуқуқ ва инсон ҳуқуқларини ҳимоя қилиш кафедраси ўқув, илмий-тадқиқот, таҳлилий ва маънавий-маърифий тадбирларни амалга оширади. Кафедра ҳуқуқни муҳофаза қилиш ва давлат хизматида тажрибага эга бўлган олимлар ва амалиётчиларни бирлаштиради.

Таълим фаолияти Кафедра ўқув жараёнининг барча босқичларида ҳуқуқ-тартибот идоралари ходимлари учун бакалавр, магистр, малака ошириш курсларини ўқитишни таъминлайди.

Магистратура дастурлари доирасида қуйидаги фанлар ўқитилади:

• Халқаро инсон ҳуқуқларини ҳимоя қилиш тизими •    Инсон ҳуқуқларини ҳимоя қилиш миллий тизими
• Бола ҳуқуқлари
• Халқаро жиноят ҳуқуқи
• Шахсий дахлсизлик ҳуқуқи
• Аёлларга нисбатан зўравонликка қарши курашиш

Кафедрада Ўзбекистонда биринчи ва ягона “Инсон ҳуқуқлари бўйича халқаро ҳуқуқ” магистратура дастури ташкил этилди. Амалиётга йўналтирилган ушбу фанлараро магистрлик дастури Академия ТДЮ, ЖИДУ ва Инсон ҳуқуқлари бўйича Ўзбекистон Республикаси миллий марказининг қўшма лойиҳасидир. Кафедра инсон ҳуқуқлари бўйича Ўзбекистон юридик университетлари консортсиуми фаолиятини мувофиқлаштиради. Бакалавриат йўналиши бўйича кафедра жамоаси лойиҳага асосланган таълим, клиник таълим, блендед леарнинг, Сократ усули, симуляция ва бошқа замонавий таълим технологияларидан фойдаланган ҳолда Халқаро оммавий ҳуқуқ ҳамда инсон ҳуқуқлари фанларини ўқитадилар. Ҳуқуқни муҳофаза қилиш органлари ходимлари учун ўқув курсларининг дастурларига қийноққа, аёллар ва болаларга нисбатан зўравонликка қарши курашиш, иқтисодий, ижтимоий, маданий ҳуқуқларни таъминлаш, адолатли судлов ҳуқуқи, жиноятлар қурбонларини ҳимоя қилиш ва бошқалар киритилган.

Илмий фаолият Кафедра ходимларининг илмий қизиқишлари: инсон ҳуқуқларини таъминлаш ва ҳимоя қилиш, халқаро жиноятлар, терроризм, корруптсия, одам савдосига қарши курашиш ва бошқа долзарб йўналишлардан иборат. Кафедрада мунтазам равишда илмий семинарлар, давра суҳбатлари ва конферентсиялар ўтказилади. Унинг ходимлари халқаро ва миллий, илмий ҳамда таълим лойиҳаларини амалга оширишда қатнашадилар. Кафедра ходимлари халқаро ҳуқуқ соҳаси мутахассислари ва фан докторларини тайёрлайди, диссертация кенгашлари фаолиятида қатнашади, журналлар таҳририй ҳайъати аъзолари ҳисобланади, илмий фаолияти натижаларини фаол нашр этади, ихтисослаштирилган касбий бирлашмалар фаолиятига жалб қилинган.

ПРОФEССОР-ЎҚИТУВЧИЛАР ТАРКИБИ

Исоқов Лухмонжон Холбоевич
		Кафедра бошлиғи, Адлия маслаҳатчиси, ю.ф.д., профессор.  E-mail: l.x.isoqov@proacademy.uz

Франциянинг Лион давлат университетининг ҳуқуқшунослик факультети ва 2018 йилда Ўзбекистон Республикаси Президенти ҳузуридаги Давлат бошқаруви академиясининг магистратураларини тамомлаган.

Миграция бўйича халқаро ташкилотнинг миллий консультанти, ARWU рейтингида таълим сифати бўйича дунёда 13-ўринда, U.S. News & World Report Best Global University Ranking версияси бўйича Францияда 1-ўринда ва дунёда 30-ўриндаги Париж-Сакле университети постдокторантура дастури тадқиқотчиси ҳисобланади.

100 га яқин илмий мақолалари ўзбек, рус, француз ва инглиз тилларида чоп этилган.

Жалолиддин Румийнинг инсон ҳуқуқлари ва қонун устуворлиги бўйича қўлланмаси, машҳур франциялик ҳуқуқшуносларнинг 10 дан ортиқ маърузаларини ўзбек тилига таржима қилган. БМТнинг “Барча меҳнаткаш-мигрантлар ва уларнинг оила аъзолари ҳуқуқларини ҳимоя қилиш бўйича” конвенциясининг ўзбек тилидаги илк таржимасини амалга оширган.

Есемуратов Алишер Избасарович
		Кафедра катта ўқитувчиси, адлия кичик маслаҳатчиси, ю.ф.ф.д (PhD). “Мигрантлар ҳуқуқларини ҳимоя қилишнинг халқаро ва миллий механизмларини такомиллаштириш масалалари” мавзусида юридик фанлар бўйича фалсафа доктори (PhD) илмий даражасини олиш учун диссертация ишини ҳимоя қилган.  E-mail: a.i.yesemuratov@proacademy.uz

Инсон ҳуқуқлари, халқаро ҳуқуқ, халқаро миграция ҳуқуқ, мигрантлар ҳуқуқларни ҳимоя қилишга оид монография, ўқув қўлланма ва ўқув адабиётлари педагогик амалиётда кенг фойдаланилмоқда. Унинг 20 дан ортиқ илмий мақолалари ўзбек, рус, ва инглиз тилларида чоп этилган.

Халилов Шоҳруҳ Мирзо Боймурод ўғли
		Кафедра ўқитувчиси, 1-даражали юрист.  “Терговчининг процессуал мақомини такомиллаштириш” мавзусида юридик фанлар бўйича фалсафа доктори (PhD) илмий даражасини олиш учун диссертация иши олиб бормоқда. E-mail: sh.b.xalilov@proacademy.uz

10 дан ортиқ илмий мақолалар ҳамда ҳаммуаллифликда 2 та дарслик нашр этилган.

Кадирова Барно Туранбой қизи
		Кафедра ўқитувчиси, 2-даражали юрист, ю.ф.ф.д. “Қийноққа қарши курашишга оид қонунчилик ижроси устидан прокурор назоратини такомиллаштириш масалалари” мавзусида юридик фанлар бўйича фалсафа доктори (PhD) илмий даражасини олиш учун диссертация ишини муваффақиятли ҳимоя қилган. E-mail: b.t.kadirova@proacademy.uz

Рига олий ҳуқуқ мактабида (Riga Graduate School of Law) 10 - “Intensive programme in European Law and Economics” дастурида иштирок этган.

18 илмий мақолалари ўзбек, рус, ва инглиз тилларида чоп этилган.