Кафедра фаолияти

Ўзбекистон Республикаси Президентининг “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида” 2022 йил 28 ноябрдаги ПФ–257-сонли Фармони билан кафедра ташкил этилган.

2023 йил январь ойидан бошлаб Ўзбекистон Республикаси Ҳуқуқни муҳофаза қилиш академияси бакалавр ва магистратура ихтисосликлари, қайта тайёрлаш ва малака ошириш тизимига кирувчи курсларда талабалар ва тингловчиларга профессор-ўқитувчилар дарс бериб келмоқда.

Кафедранинг асосий вазифалари:

ўқув ишлари ва таълимни ташкил этишда – кредит-модуль тизими тўлиқ жорий этган ҳолда илғор инновацион метод ҳамда технологияларини қўллаш орқали “Юриспруденция: прокурорлик фаолияти”, “Тергов фаолияти” таълим йўналишлари ва мутахассисликлари бўйича юқори малакали, илмий-таҳлилий мулоҳаза юрита оладиган, соҳага доир норматив-ҳуқуқий ҳужжатларни шарҳлаш ва мустақил равишда хулосалар қилиш кўникмаларига эга бўлган, белгиланган назарий ва амалий вазифаларни бажариш имкониятига эга мутахассисларни тайёрлашга йўналтирилган ўқув ишларини ташкил этиш;

илмий-методик ишлар соҳасида – ўқув жараёнининг илмий-методик асосларини ишлаб чиқиш ва мунтазам такомиллаштириб бориш, профессор-ўқитувчилар, тингловчилар ва талабаларни ўқув-услубий материаллар билан таъминлаш, кафедра маъсул бўлган модуллар мазмунидан келиб чиққан ҳолда замонавий, хорижий ва маҳаллий илмий адабиётлар ва тажрибалар асосидаги илмий-методик материаллар тайёрлаш;

илмий-тадқиқот ишлари соҳасида – мамлакатда амалга оширилаётган сиёсий-иқтисодий, ижтимоий-маданий ислоҳотларнинг устувор вазифаларидан келиб чиқиб, илмий тадқиқотларнинг жаҳон тажрибаси ва халқаро стандартларни ҳисобга олган ҳолда долзарб мавзуларда илмий-тадқиқот ишларини бажариш ҳамда уларнинг натижаларини амалиётга татбиқ этилишини таъминлаш;

ташкилий-методик ишлар соҳасида – ўзаро назоратлар асосида таълим сифатини таҳлил этиш ва баҳолаш, шунингдек, бошқа ташкилий-методик тадбирларни самарали ташкил этишни таъминлаш;

маънавий-ахлоқий ва тарбиявий ишлар соҳасида – талаба ёшларни жамият, ватанга муҳаббат, бурч-маъсулият ва садоқат руҳида тарбиялаш, ижтимоий фаоллиги ва ташаббускорлигини ошириш, миллий ва маънавий қадриятларимизга ҳурмат руҳида тарбиялаш, мустақил фикрловчи эркин шахсни шакллантириш, интеллектуал, жисмоний ва ахлоқий жиҳатдан камол топишига кўмаклашиш, фаол фуқаролик позициясини шакллантириш, деструктив ғоялар ва бузғунчи оқимларга қарши мафкуравий иммунитетини шакллантиришни устувор вазифа сифатида белгилаш.

Шунингдек, юқори малакали илмий-педагог кадрларни тайёрлаш, уларни малакасини ошириш ва қайта тайёрлаш, амалий инновацион дастурлар лойиҳалари билан ишлаш, хорижий давлатларда малака ошириш, замонавий, халқаро стандартларга жавоб берадиган юқори малакали кадрлар тайёрлаш, кафедранинг бой интеллектуал ва илмий-педагогик маҳоратга эга кадрлар ва ёш мутахассислар ўртасида устоз-шогирд тизимини йўлга қуйиш бўйича аниқ мақсадли ишларни амалга ошириш.

Кафедра профессор-ўқитувчилари томонидан ўтиладиган фанлар:

- Ўзбекистоннинг энг янги тарихи;

- Диншунослик. Диний ақидапасрастлик, экстремизм ва терроризмга қарши курашишнинг маънавий-маърифий асослари;

- Ҳуқуқ фалсафаси;

- Касбий ва нутқ маданияти;

- Социология;

- Прокурорнинг ёзма нутқ асослари;

- Терговчининг ёзма нутқ асослари;

- Сиёсатшунослик;

- Мантиқ;

- Этика ва эстетика;

- Илмий тадқиқотлар методологияси;

- Махсус фанларни ўқитиш методикаси.

ПРОФEССОР-ЎҚИТУВЧИЛАР ТАРКИБИ

Шайзаков Шодиёр Ибрагимович
		Ижтимоий-гуманитар фанлар кафедраси бошлиғи, юридик фанлари бўйича фалсафа доктори (PhD), доцент +99890 176-77-14 71 202-04-96 (1752) e-mail: sh.i.shayzakov@proacademy.uz

2021 йил 21 октябрда Академиянинг Илмий кенгашида “12.00.07 – Суд ҳокимияти. Прокурор назорати. Ҳуқуқни муҳофаза қилувчи органлар фаолиятини ташкил этиш. Адвокатура” ихтисослиги бўйича “Маъмурий суд ишларини юритишда прокурор иштирокининг ташкилий-ҳуқуқий асослари: қиёсий-ҳуқуқий таҳлил” мавзусида юридик фанлар бўйича фалсафа доктори (PhD) илмий даражасини олиш учун диссертация ишини муваффаққиятли ҳимоя қилган.

2023 йил 30 январда Ўзбекистон Республикаси Олий таълим, фан ва инновациялар вазирлиги ҳузуридаги Олий аттестация комиссиясининг қарори билан “12.00.07 – Суд ҳокимияти. Прокурор назорати. Ҳуқуқни муҳофаза қилувчи органлар фаолиятини ташкил этиш. Адвокатура” ихтисослиги бўйича “доцент” илмий унвони берилган.

Ўзбекистон Республикаси прокуратура органларида 15 йилга яқин хизмат фаолиятини олиб бормоқда. Адлия маслаҳатчиси. Бош прокурор томонидан бир неча бор рағбатлантирилган.

Педагогик фаолияти давомида 50 яқин илмий мақолалар, 1 та монография, 4 та ўқув қўлланма, 2 та дарслик, 4 та илмий-амалий қўлланма, 2 та услубий қўлланма, 1 та илмий рисола муаллифлигида ва ҳаммуаллифлигида нашр этилган.