Кадрлар бўлими Ўзбекистон Республикаси Бош прокуратураси Академиясининг мустақил таркибий тармоғи ҳисобланади ва бевосита Академия бошлиғига бўйсунади.

Қуйидагилар бўлимнинг асосий вазифалари ҳисобланади:

кадрлар билан ишлаш соҳасидаги фаолиятни ва ташкилий-штат тузилмаларини такомиллаштириш юзасидан тизимли таҳлил асосида таклифлар ишлаб чиқиш ва киритиш;

Академияга юклатилган вазифаларини самарали амалга ошириш салоҳиятига ҳамда юксак маънавий-ахлоқий фазилатларга эга, профессионал ва масъулиятли кадрларни танлаш, тайинлаш ва тарбиялаш;

Академияга хизматга қабул қилишда тенг шароитлар яратиш ҳамда шаффофлик, ошкоралик, холисликни таъминлаш;

кадрлар захирасини ҳар томонлама тайёргарликка эга ходимлар ва раҳбар кадрлар таркибидан шакллантириш, кадрлар захираси билан самарали ишлашни ташкил этиш;

бўш лавозимларни ўз вақтида ва максимал тўлдириш чораларини кўриш;

ходимларга даражали унвонлар бериш тўғрисидаги тақдимномаларнинг Бош прокуратурага ўз вақтида киритилишини таъминлаш, даражали унвон бериш ёки ундан маҳрум этиш бўйича таклифлар киритиш;

хизмат ва ижро интизомини мустаҳкамлаш юзасидан зарур чоралар кўриш, ходимлар ўртасида ножўя хатти-ҳаракатлар ва ҳуқуқбузарликларнинг олдини олишга қаратилган тадбирларни ҳамда хизмат текширувларини ўтказиш;

ходимларни рағбатлантириш, давлат мукофотларига тақдим этиш ҳамда интизомий жавобгарликка тортиш юзасидан таклифлар киритиш;

ходимларнинг ижтимоий ҳимоясини ва дахлсизлигини таъминлаш, меҳнати ва соғлиғини муҳофаза қилиш чораларини кўриб бориш, шу жумладан спорт-соғломлаштириш тадбирларини ва ходимларнинг тиббий кўрикдан ўтишларини ташкиллаштириш ҳамда бу борада таклифлар ишлаб чиқиш.