Ўқув жараёнини ташкил этиш ва назорат қилиш бўлими Академиянинг таркибий тузилмаси ҳисобланиб, ўқув жараёнини бошқариш фаолиятини амалга оширади.

Бўлимнинг асосий вазифалари ўқув жараёнини режалаштириш, ташкил этиш ҳамда назорат ишларини амалга ошириш, ўқув жараёнини ўқув-услубий жиҳатдан таъминлаш, ўқув жараёнига илғор педагогик ва инновацион технологияларни кенг жалб қилишдан иборат.

Бўлим Академия кафедралари фаолиятини мувофиқлаштиради, профессор-ўқитувчиларнинг педагогик фаолияти ҳамда ўқитиш сифати ва самарадорлигини тизимли мониторинги ҳамда таҳлилини амалга оширади, шунингдек, уларнинг касбий ва педагогик маҳоратларини юксалтиришга оид тадбирларни ташкиллаштиради.

Бўлим ўзига юклатилган вазифаларни бажариш учун тегишли функцияларни амалга оширади. Хусусан, прокуратура органлари ходимларини касбий қайта тайёрлаш ва малакасини ошириш курсларини ташкил этади, касбий қайта тайёрлаш ва малака ошириш ўқув йўналишлари бўйича ўқув предметлари (модуллари)ни шакллантиради ва кафедралар томонидан ўқув предметлари бўйича ўқув дастурлари ва ўқув-методик мажмуалар ишлаб чиқилишини назорат қилади.

Шунингдек, ўқув курслари контингентини шакллантириш, қабул ва танлов комиссиялари ишини ташкил этиш жараёнида бевосита иштирок этади ва тингловчиларни ўқув жараёнига оид ахборот билан таъминлайди. 

Бўлим фаолиятига бўлим бошлиғи раҳбарлик қилади.

Бўлимда катта прокурорлар, прокурорлар, иш юритувчилар фаолият кўрсатади.