Қуйидагилар Марказнинг асосий вазифалари ҳисобланади:

илмий-инновацион тадқиқотларни мувофиқлаштириш ва илмий ходимларни тайёрлаш соҳасига оид қонунчилик ҳужжатлари, Бош прокуратуранинг ҳайъати қарорлари ва иш режалари, Академия Кенгаши қарорлари ва Академия иш режалари, Бош прокурор ва Академия бошлиғининг буйруқ, фармойиш ва кўрсатмалари ижросини қатъий таъминлаш;

Академия таркибий тармоқларининг фундаментал, амалий ва инновацион тадқиқотларнинг истиқболли режаларини шакллантириш, ижросини ташкиллаштириш, мувофиқлаштириш ва назорат қилиш;

Академия таркибий тармоқларининг илмий-тадқиқот ишларини мувофиқлаштириш ва амалий-услубий кўмаклашиш, ҳуқуқни муҳофаза қилиш органлари фаолиятини ҳуқуқий ва илмий-методик жиҳатдан таъминлаш ишларини мувофиқлаштириш;

илмий-тадқиқот мавзулари базасини шакллантириш, реестрини юритиш ва такомиллаштириб бориш;

илмий-тадқиқот фаолиятини юритиш, илмий, амалий ва инновацион тадқиқотларни тизимли асосда ўтказиш, ташкиллаштириш, мувофиқлаштириш ҳамда таҳлил қилиш;

ҳуқуқни қўллаш, ҳуқуқни муҳофаза қилиш ҳамда прокуратура фаолиятининг долзарб йўналишларида етакчи миллий ва хорижий таълим муассасалари, таҳлилий, илмий-тадқиқот марказлари билан ҳамкорликда қўшма илмий тадқиқотлар олиб бориш;

давлат илмий техника дастурлари доирасида фундаментал, амалий ва инновацион тадқиқот лойиҳаларида қатнашиш ва тадқиқот лойиҳаларининг бажарилишини назорат қилиш;

фундаментал, амалий ва инновацион тадқиқотлар илмий-техника дастурларининг бажарилиши учун илмий-ижодий жамоаларни тузиш;

давлат илмий-техника дастурлари доирасида олиб борилаётган илмий лойиҳаларнинг бажарилишини назорат қилиш;

фундаментал, амалий ва инновацион тадқиқотлар илмий-техника дастурларининг бажарилиши юзасидан ҳисоботларни жамлаш, таҳлил қилиш ва мувофиқлаштириш, шунингдек, бевосита марказ томонидан ўтказилган тадқиқотлар ва уларнинг натижаларини умумлаштириш ҳамда ҳар олти ойда Академия раҳбарияти ва Академия Кенгаши муҳокамасига киритиш;

илмий тадбирлар (республика ва халқаро илмий-амалий конференциялар, давра суҳбатлари, семинарлар ва бошқа тадбирлар)ни ташкил қилиш, ўтказиш ҳамда мувофиқлаштириш;

илмий салоҳиятни кучайтириш ва импакт факторини оширишга доир чора-тадбирларни белгилаш, илмий салоҳият ҳолатини доимий мониторинг қилиб бориш;

илмий ходимлар, шунингдек, талабалар ва тингловчилар томонидан илмий ишланмалар (илмий-амалий қўлланмалар, ахборот-таҳлилий материаллар, илмий мақолалар ва бошқалар) чоп этилиши борасидаги фаолиятни мувофиқлаштириш;

ходимлар ва тадқиқотчиларнинг WEB of Science, SCOPUS, РИНЦ ва бошқа етакчи илмий базаларда мақолалар чиқаришларига услубий кўмаклашиш, бундай мақолалар ҳажмини оширишни мувофиқлаштириш;

қонунчиликни такомиллаштириш ва ягона ҳуқуқни қўллаш амалиётини шакллантириш бўйича илмий асосланган хулоса, илмий услубиёт ва тавсиялар ишлаб чиқиш ишларини мувофиқлаштириш;

қонун ҳужжатлари ва уларнинг лойиҳалари юзасидан фикр-мулоҳазалар билдириш, қонун ҳужжатлари ва уларнинг лойиҳалари юзасидан тайёрланган таклифларни умумлаштириш;

марказ томонидан ўтказилган илмий тадқиқотлар натижаларини ҳуқуқни муҳофаза қилиш органларининг амалий фаолияти ва таълим жараёнида қўлланилишини ташкил қилиш ҳамда бу борада қилинган ишлар бўйича ҳар олти ойда Академия Кенгашига ҳисобот бериш;

олий малакали илмий ва илмий-педагог кадрлар тайёрлаш борасидаги фаолиятни амалга оширишни ташкил этиш ва мувофиқлаштириш;

таянч докторантура, докторантура ва мустақил изланувчиликка қабул ишларини ташкил этиш, уларнинг ҳисобини юритиш ва тегишли ҳужжатларини расмийлаштириш;

докторантлар ва мустақил изланувчиларни тасдиқланган режа асосида илмий-тадқиқот ишларини амалга оширилишини назорат қилиш;

докторантлар ва мустақил изланувчиларнинг малакавий имтиҳонларини топшириш жараёнини ташкил этиш;

докторантлар ва мустақил изланувчиларнинг илмий изланишлари самарадорлиги ва сифати мониторингини амалга ошириш;

докторантлар томонидан ички тартиб қоидаларига риоя этилишини назорат қилиш, докторантлар ва мустақил изланувчиларни сафдан четлаштиришни расмийлаштириш;

юқори малакали илмий-педагогик кадрларни тайёрлаш, ҳуқуқни муҳофаза қилиш фаолиятининг энг долзарб масалалари бўйича комплекс илмий тадқиқотларни тизимли асосда, шу жумладан, миллий ва халқаро грантларни жалб этган ҳолда амалга ошириш;

ходимлар, мустақил изланувчилар ва докторантларнинг илмий тадқиқотларига оид ҳужжатларни Олий таълим, фан ва инновациялар вазирлиги, унинг ҳузуридаги Инновацион ривожланиш агентлиги ҳамда Олий аттестация комиссиясида расмийлаштирилишида кўмаклашиш;

илмий-инновацион тадқиқотларни амалга ошириш бўйича ходимлар, тингловчилар, докторантлар ва мустақил изланувчиларнинг малакасини ошириш, бу борадаги билим ҳамда кўникмаларини чуқурлаштириш;

илмий-инновацион тадқиқотларни амалга ошириш йўналишлари бўйича ўқув жараёнларини ташкил этиш ва амалга оширишда иштирок этиш, бу борада ўқув машғулотлари, семинар, давра суҳбати, тренинг ва бошқа тадбирларни ташкил этиш;

илмий-инновацион тадқиқотларни мувофиқлаштириш ва илмий ходимларни тайёрлаш фаолиятига доир ўқув-услубий адабиётларни тайёрлаш, миллий ва хорижий олимлар билан биргаликда ҳаммуаллифлик қилиш ҳамда таълим ва бошқа муассасаларнинг буюртмасига биноан зарурий ўқув услубий адабиётларни тайёрлашда қатнашиш, шунингдек, янги нашр этиладиган адабиётларга тақриз (хулоса)лар бериш;

Академия Илмий Кенгаши мажлисларига ташкилий жиҳатдан тайёргарликни амалга ошириш, тайёрланган ҳужжатларни мажлис кун тартибига киритиш, диссертациялар муҳокамасини ташкиллаштириш, мажлис баённомаларини юритилиши, ҳисобини олиб борилиши, қабул қилинган қарорлар ижросини ташкил этилиши ва назоратни амалга оширилишини таъминлаш;

Академия Илмий кенгаши фаолиятини такомиллаштиришга қаратилган таклифлар ишлаб чиқиш;

илмий ходимларни тайёрлаш борасида амалга оширилган тадбирлар ва уларнинг натижаларини умумлаштириш ҳамда ҳар олти ойда ва Академия раҳбарияти ва Академия Кенгаши муҳокамасига киритиш;

Ҳуқуқни қўллаш амалиёти ва қонунчилик муаммоларини ўрганиш лабораторияси фаолиятини ташкил этиш ва юритиш;

илмий-инновацион тадқиқотларни мувофиқлаштириш ва илмий ходимларни тайёрлаш соҳасига доир тизимли муаммоларни жамлаш, умумлаштириш, уларни бартараф этиш бўйича таклифларни ишлаб чиқиш;

етакчи миллий ва хорижий таълим муассасалари, таҳлилий, илмий-тадқиқот марказлари билан ҳамкорлик қилиш бўйича таклифлар ишлаб чиқиш ва амалга ошириш;

фаолият самарадорлигининг энг муҳим кўрсаткичлари бўйича шахсий маълумот (ҳисобот)ларини белгиланган муддатларда тўғри, асосли ва ҳаққонийлигини таъминлаган ҳолда тақдим қилиш;

Академия ходимларининг фаолият самарадорлигини илмий фаолиятга оид кўрсаткичларга доир қисми бўйича баҳолашни амалга ошириш;

Академия нуфузини юксалтиришда иштирок этиш, миллий ва халқаро рейтинглардаги ўрнини яхшилаш бўйича тааллуқли вазифалар ижросини таъминлаш, бу борада амалга оширилган ишлар юзасидан ҳар чоракда ҳисобот тайёрлаш;

илмий-инновацион тадқиқотларни мувофиқлаштириш ва илмий ходимларни тайёрлаш соҳасидаги фаолиятни такомиллаштириш юзасидан тизимли таҳлил асосида таклифлар ишлаб чиқиш ва киритиш;

тингловчилар, докторантлар, мустақил изланувчилар ва фуқароларни қабул қилиш, жисмоний ва юридик шахсларнинг мурожаатларини кўриб чиқиш;

қонунчиликни тарғиб қилиш, жамиятда ҳуқуқий маданиятни юксалтириш, идоравий ва норматив-ҳуқуқий ҳужжатлар лойиҳаларини ишлаб чиқишда иштирок этиш;

Академиянинг иш режаларига таклифлар киритиш ва ижросини таъминлаш;

белгиланган муддатларда статистик ҳисоботлар тузиш;

амалга оширилган ишлар ҳақида Академия раҳбариятига мунтазам ахборот бериб бориш.

Қонунчилик ҳужжатларига мувофиқ Марказ зиммасига бошқа вазифалар ҳам юклатилиши мумкин.

 Марказ ўзига юклатилган вазифаларни амалга ошириш учун тасдиқланган вазифалар тақсимотига мувофиқ функцияларни бажаради.

МАРКАЗ ХОДИМЛАРИ ТАРКИБИ

Шайзаков Шодиёр Ибрагимович
		Маркази бошлиғи, ю.ф.ф.д. (PhD), доцент, адлия маслаҳатчиси   Email: sh.i.shayzakov@proacademy.uz

2021 йил 21 октябрда Академиянинг Илмий кенгашида “12.00.07 – Суд ҳокимияти. Прокурор назорати. Ҳуқуқни муҳофаза қилувчи органлар фаолиятини ташкил этиш. Адвокатура” ихтисослиги бўйича “Маъмурий суд ишларини юритишда прокурор иштирокининг ташкилий-ҳуқуқий асослари: қиёсий-ҳуқуқий таҳлил” мавзусида юридик фанлар бўйича фалсафа доктори (PhD) илмий даражасини олиш учун диссертация ишини муваффақиятли ҳимоя қилган.

2023 йил 30 январда Ўзбекистон Республикаси Олий таълим, фан ва инновациялар вазирлиги ҳузуридаги Олий аттестация комиссиясининг қарори билан “12.00.07 – Суд ҳокимияти. Прокурор назорати. Ҳуқуқни муҳофаза қилувчи органлар фаолиятини ташкил этиш. Адвокатура” ихтисослиги бўйича “доцент” илмий унвони берилган.

Ўзбекистон Республикаси прокуратура органларида 15 йилдан буён хизмат фаолиятини олиб бормоқда. Адлия маслаҳатчиси. Бош прокурор томонидан бир неча бор рағбатлантирилган.

Педагогик фаолияти давомида 50 дан ортиқ илмий мақолалар, 1 та монография, 6 та ўқув қўлланма, 4 та дарслик, 6 та илмий-амалий қўлланма, 3 та услубий қўлланма, 2 та илмий рисола муаллифлигида ва ҳаммуаллифлигида нашр этилган.

Ҳозирда “Фуқаролик процессида суд ҳужжатларини юқори инстанцияда қайта кўриш институтининг назарий ва амалий муаммолари” мавзусида докторлик (DSc) диссертацияси юзасидан тадқиқот олиб бормоқда.

Шодиев Ғулом Махамматович
		Маркази катта прокурори, ю.ф.н., доцент, адлия маслаҳатчиси   Email: shodiev.g@proacademy.uz

“Фуқароларнинг ҳуқуқ ва эркинликларини чекловчи тергов ҳаракатлари устидан суд назорати” мавзусидаги юридик фанлар номзоди диссертациясини ҳимоя қилган.

Ғ.М.Шодиев айни вақтда Ўзбекистон Республикаси ҳуқуқни муҳофаза қилиш академиясида бўлим катта прокурори сифатида “Жиноят процессида реабилитация қилишнинг назарий ва амалий масалалари” мавзусида юридик фанлар доктори илмий даражасини олиш учун тадқиқот олиб бормоқда.

50 дан ортиқ илмий ишлари Республика ва хорижий илмий журналларда чоп этилган.

2 та монография, 5 та ўқув қўлланма, 2 та дарслик, 3 та илмий-амалий қўлланма, 5 та услубий қўлланма, Жиноят процессига шарҳ, 3 та илмий рисола муаллифлигида ва ҳаммуаллифлигида нашр этилган.

Қучқаров Хамидулло Абдурасулович
		Маркази прокурори, ю.ф.ф.д. (PhD), адлия кичик маслаҳатчиси   Email: x.a.quchqarov@proacademy.uz

Х.А.Қучқаров 2004 йили Наманган давлат университетини бакалавр босқичини ва 2006 йилда Тошкент давлат юридик университетини магистратура босқичини тамомлаган.

Х.А.Қучқаровнинг “12.00.04 – Фуқаролик процессуал ҳуқуқи. Хўжалик процессуал ҳуқуқи. Ҳакамлик жараёни ва медиация” ихтисослиги бўйича “Фуқаролик процессида ишларни соддалаштирилган тартибда кўришнинг ҳуқуқий асосларини такомиллаштириш” мавзусидаги юридик фанлар бўйича фалсафа доктори диссертацияси (PhD) ҳимоя қилган.

Айни вақтда Ўзбекистон Республикаси ҳуқуқни муҳофаза қилиш академиясида бўлим прокурори сифатида “Меҳнат низоларини судда кўришда иштирок этувчи шахслар процессуал-ҳуқуқий мақомининг назарий ва амалий масалалари” мавзусида юридик фанлар доктори илмий даражасини олиш учун тадқиқот олиб бормоқда.

Х.А.Қучқаров томонидан шу кунга қадар 70 дан ортиқ илмий ва илмий-оммабоп мақола, 3 та ўқув қўлланма (2 таси ҳаммуаллифликда), 3 та ўқув-амалий қўлланма, 1 та рисола, 2 та ўқув услубий қўлланма ва 1 та дарслик (ҳаммуаллифликда) тайёрланган.

Раджапов Дониёр Бахтиярович
		Маркази прокурори, ю.ф.ф.д. (PhD), адлия кичик маслаҳатчиси   Email: d.b.radjapov@proacademy.uz

Д.Б.Раджапов 2013 йилда Қорақалпоқ давлат университетининг бакалавр босқичини ва 2015 йилда Тошкент давлат юридик университетининг магистратура босқичини тамомлаган.

2012 йилда Иқтидорли талабалар учун таъсис этилган Бердақ номли ва 2013 йилда Навоий номли Давлат стипендиялари соҳиби бўлган.

2023 йил 4 декабрь куни Академиянинг илмий кенгашида “12.00.07 - “Суд ҳокимияти. Прокурор назорати. Ҳуқуқни муҳофаза қилиш фаолиятини ташкил этиш. Адвокатура” ихтисослиги бўйича юридик фанлари бўйича фалсафа доктори (PhD) илмий даражасини олиш учун ёзган “Фуқаролар соғлиғини сақлаш тўғрисидаги қонун ҳужжатларини ижро қилиш устидан прокурор назоратини такомиллаштириш” мавзусидаги диссертация ишини муваффақиятли ҳимоя қилган.

Ўзбекистон Республикаси прокуратура органлари тизимида 7 хизмат фаолиятини олиб бормоқда. Хизмат фаолияти давомида бир неча маротаба рағбатлантирилган.

Илмий фаолияти давомида 40 га яқин илмий мақола ва тезислар ҳамда 3 та илмий-амалий қўлланмалар муаллифи ва ҳаммуаллифи бўлган.