Ўзбекистон Республикаси Президентининг 2018 йил 8 майдаги “Прокуратура органлари кадрларини тайёрлаш, қайта тайёрлаш ва уларнинг малакасини ошириш тизимини тубдан такомиллаштириш чора-тадбирлари тўғрисида”ги ПФ-5438-сон, 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ-257-сон Фармонлари ҳамда 2024 йил 21 июндаги “Аҳоли ва давлат хизматчиларининг коррупцияга қарши курашиш соҳасидаги билимларини узлуксиз ошириш тизимини жорий қилиш чора-тадбирлари тўғрисида”ги ПҚ-228-сон қарорига мувофиқ, Ҳуқуқни муҳофаза қилиш академияси коррупцияга қарши курашиш ва унинг олдини олиш соҳасида фаолият кўрсатувчи таълим ва илмий-тадқиқот, шу жумладан хорижий давлатлар муассасалари билан самарали идоралараро ҳамкорликни чуқурлаштиришга интилади.

Шу мақсадда, Академия томонидан қуйидаги давлат органлари ва бошқа ташкилотлар билан коррупцияга қарши курашиш соҳасида ўзаро ҳамкорлик тўғрисидаги меморандумлар имзоланган:

Ўзбекистон Республикаси Коррупцияга қарши курашиш агентлиги билан – 2023 йил;

Ўзбекистон Республикаси Қонунчилик паталасининг Коррупцияга қарши курашиш ва суд-ҳуқуқ масалалари бўйича қўмитаси билан – 2025 йил;

Ўзбекистон Республикаси Ҳисоб палатаси билан – 2025 йил;

Ўзбекистон Республикаси Қонунчилик паталаси ҳузуридаги Ёшлар парламенти билан билан – 2025 йил.

Академия мамлакатимизда коррупцияга қарши курашиш, суд-ҳуқуқ масалалари бўйича ҳамкорликда илмий ва амалий тадқиқотлар олиб бориш, ушбу соҳаларда тизимли таҳлилларни амалга ошириш, шунингдек тадқиқот ва таҳлиллар натижалари бўйича қонун ҳужжатларини такомиллаштириш юзасидан таклифлар тайёрлаш, ҳужжатларда коррупцияга олиб келувчи нормаларнинг мавжудлигини таҳлил қилиш, ҳуқуқни қўллаш фаолиятини тизимли равишда ўрганиб бориш, жамиятда коррупцияга нисбатан муросасиз муносабатни шакллантиришга қаратилган фаолиятда самарали иштирок этиш мақсадида бошқа давлат органлари ва ташкилотлари, фуқаролик жамияти институтлари вакилларини ҳамкорликка чақиради.