Ноқонуний молиявий оқимларга қарши курашиш масалалари муҳокама қилинди

Ноқонуний (яширин) молиявий оқимларга қарши курашиш БМТ Глобал кун тартибининг 2030 йилгача бўлган даврда Барқарор ривожланиш мақсадларининг (БРМ) 16-мақсадида белгиланган тинчлик, адолат ва кучли институтларни тарғиб қилиш кампаниясининг муҳим тартиқибий қисми ҳисобланади.

16.4.1 БРМ индикаторини статистик ўлчаш соҳасидаги миллий салоҳиятни мустаҳкамлаш мақсадида Академия БМТнинг Гиёҳвандлик  ва жиноятчилик бўйича бошқармаси, ЭСКАТО и ЮНКТАД томонидан амалга оширилаётган Осиё-Тинч океани минтақасидаги мамлакатларга ноқонуний молиявий оқимлар (НМО) ҳажмини баҳолашда бевосита ёрдам кўрсатиш лойиҳасида иштирок этмоқда.

Лойиҳанинг асосий мақсади Осиё-Тинч океани минтақаси мамлакатларининг ноқонуний молиявий оқимларини ўлчаш ва тегишли чораларни кўриш учун бундай кўрсаткичлардан фойдаланиш бўйича статистик салоҳиятини кучайтиришдир. Лойиҳа НМО билан боғлиқ фаолиятни тест синовидан ўтказиш чораларини кенгайтириш орқали статистик методологияни янада мустаҳкамлашга хизмат қилади.

Ўзбекистон Республикаси ва Қирғизистон Республикаси тижорат фаолияти ва солиқдан яширин молиявий оқимлар параметрларини баҳолаш учун тажриба-синов давлатлар сифатида танланган.

Лойиҳа тажриба-синов мамлакатларга маълумотларнинг баҳолаш ва яхшилаш, айрим ноқонуний бозорларга (фаолиятларга) нисбатан НМОларни аниқлаш методологиясини қўллаш, шунингдек тадқиқотлар якуний натижаларини биргаликда тарқатиш бўйича техник кўмаклашиш ва ўқув тадбирларини ўтказиш орқали ёрдам беради.

Лойиҳа доирасида Академияда халқаро экспертлар, тегишли орган ва ташкилотлар вакиллари иштирокида бошланғич семинар бўлиб ўтди.

Семинар давомида халқаро экспертлар НМОни баҳолаш усуллари ва уларни қўллаш бўйича тавсиялар беришди.

Тадбир иштирокчилари 16.4.1-сонли индикаторни миллий даражада бундан кейин амалга ошириш масалалари бўйича фикр алмашдилар.