Алишер Навои ва Заҳириддин Муҳаммад Бобурнинг бебаҳо меросига бағишланган тадбирлар

Мамлакатимизда аждодларимизнинг бой илмий ва адабий меросини сақлаш ва уни кенг тарғиб қилиш борасида кенг кўламли ишлар олиб борилмоқда.

Ҳазрат Мир Алишер Навоий таваллудининг 581 ва Заҳириддин Муҳаммад Бобур таваллудининг 539 йиллиги муносабати билан
Бош прокуратура Академиясида Тошкент шаҳар прокуратураси, Инсон ҳуқуқлари бўйича Ўзбекистон Республикаси миллий маркази ҳамда Судьялар олий мактаби билан ҳамкорликда маънавий-маърифий тадбирлар ўтказилди.

Учрашувларда матншунос олим, Тошкент давлат ўзбек тили ва адабиёти университети доценти, ф.ф.н. А.Деҳқонов, “Ўзбекистон тарихи” телеканали директори, ф.ф.д. Ш.Ҳайитов,. Алишер Навоий номидаги Тошкент давлат ўзбек тили ва адабиёти университети катта ўқитувчиси Д.Муҳаммадиевалар иштирок этиб, мамлакатимизда аждодларимизнинг илмий ва адабий меросини сақлаш ва уни кенг тарғибот қилиш борасида олиб борилаётган кенг кўламли ишлар, шунингдек Алишер Навоий ва Заҳириддин Муҳаммад Бобурнинг бебаҳо ижодий мерослари борасида фикр билдирдилар.

Aдабиёт байрами тимсолида ўтган тадбирларда Aлишер Навоий
ва Заҳириддин Муҳаммад Бобур мероси ҳуқуқ илми билан ажралмас экани, уларнинг инсониятга хизмат қилаётган асарлари глобал аҳамият касб этиши таъкидланди.

Шунингдек, тадбирда Академия ўқитувчиси С.Курбанова ташаббуси билан АҚШ Флорида халқаро университетида Алишер Навоий ва Заҳириддин Муҳаммад Бобур шеъриятига бағишлаб тайёрланган видеороликлар намойиш этилди. Уларда хорижий тингловчилар томонидан Алишер Навоийнинг «Кўргали ҳуснингни», «Дейин», «Гули ва Навои» каби машҳур асарларини, шунингдек Заҳириддин Муҳаммад Бобурнинг эса кўплаб рубоийлари ижро этилди.