Нагоя университети профессоридан маҳорат дарси

2022 йил 9 март куни Бош прокуратура Академияси докторантлари ва ходимлари Япониянинг Нагоя университети таклифига кўра ташкил этилган илмий адабиётларни таҳлил қилиш мавзусига бағишланган вебинарда иштирок этдилар.

Япониялик профессор Ёшиҳару Мацуура томонидан олиб борилган маҳорат дарси назарий ва амалий қисмлардан иборат бўлиб, дастлаб илмий тадқиқот ишида фойдаланиш учун илмий адабиёт ва мақолалар рўйхатини шакллантириш, уларни саралаш ва таҳлил қилиш ҳамда тадқиқот ишида улардан фойдаланиш масалаларига тўхталиб ўтилди.

Семинарнинг амалий қисмида ҳар бир тадқиқотчи ўз тадқиқоти доирасида шакллантирган илмий адабиётларни таҳлил қилиб, кўриб чиқилган мақолада кўтарилган муаммо, (илмий тадқиқот саволи, тадқиқотнинг асосий натижа ва хулосалари, тадқиқотчининг илмий иши учун аҳамияти каби масалаларни кўрсатиб ўтишди.

Таъкидлаб ўтиш жоизки, Нагоя университети қарийб 150 йиллик тарихга эга бўлиб, ушбу даргоҳда 16 мингга яқин талаба ва тадқиқотчилар таҳсил олади, 4 мингга яқин профессор-ўқитувчилар ва маъмурий ходимлар фаолият кўрсатади. Университет олимларининг 6 нафари Нобель мукофотига сазовор бўлган. Айни пайтда ушбу университет дунё рейтингида (QS-2021) 110 -ўринни эгаллайди.

Ушбу семинар Академия докторантлари ва ходимлари илмий-тадқиқот фаолиятининг сифати ва самарадорлигини яхшилаш бўйича янги методларни ўзлаштириш имконини берди.