Прокуратура генезисига бағишланган монография чоп этилди

Академия профессори, ю.ф.д. Г.Р.Маликова томонидан “Ўзбекистон прокуртурасининг генезиси” монографияси тайёрланиб, чоп этилди.

Монографияда Ватанимиз прокуратураси тарихини турли ракурсларда ёритиб берувчи йирик ҳажмдаги далиллар таҳлил қилинган. Муаллиф Ўзбекистон Республикаси Миллий архив фонди материлларига таяниб прокуратура тарихига доир воқеалар хронологиясини 1868–1933 йиллар кесимида тадқиқ қилган.

Монография мақсади миллий прокуратура биографиясида деярли ўрганилмаган жараёнларни таҳлил қилишдан иборат. Ушбу мақсадни амалга ошириш учун муаллиф миллий прокуратуранинг шаклланиш тарихини уч асосий босқичга ажратди:

биринчиси, фаолият йўналиши мусулмон ҳуқуқида фуқароларнинг ҳуқуқ ва эркинликларини таъминлашга қаратилган, дастлаб савдо ва хизмат кўрсатиш соҳаси фаолиятини назорат қилиш институти сифатида ташкил топган – муҳтасиблар (раис) институтининг шаклланиши ва ривожланиши;

иккинчиси, Россия империяси Туркистонни истило қилгандан кейин прокурор ва унинг ёрдамчилари лавозимини жорий этиш зарурати;

учинчиси, шўролар даврида прокуратура органларининг тугатилиши ва қайта тикланиши, ривожланиши масалалари қамраб олинган (1917–1933 йиллар).

Мазкур монография прокуратура органларида фаолият юритаётган амалиётчи, илмий фаолият билан шуғулланаётган тадқиқотчи, докторант, талабалар ва кенг жамоатчиликка мўлжалланган.