Активларни қайтариш борасида глобал ҳаракатларни кучайтириш йўлида

Бош прокуратура Академияси вакили жиноий активларни қайтариш бўйича ноформал идоралараро тармоқлар (ARIN) ҳамда ФАТФ (FATF – Жиноий даромадларни легаллаштиришга қарши курашишнинг молиявий чораларини ишлаб чиқувчи гуруҳ) ва у каби минтақавий гуруҳлар ўртасидаги ҳамкорликни мустаҳкамлаш борасидаги ўтказилган онлайн тадбирда иштирок этди.

Ушбу тадбир ФАТФ томонидан активларни қайтариш борасида глобал саъй ҳаракатларини яхшилаш бўйича стратегик мақсадларидан келиб чиққан ҳолда амалга оширилаётган лойиҳа доирасида ўтказилди.

Академия лойиҳа жамоасида Ғарбий ва Марказий Осиё мамлакатлари активларни қайтариш бўйича идоралараро тармоқнинг доимий Котибияти сифатида иштирок этиб келмоқда.

ФАТФ, Интерпол, Европол, БМТ Гиёҳвандлик ва жиноятчилик бўйича бошқармаси ва бошқа ташкилотлар, шунингдек активларни қайтариш бўйича норасмий тармоқлар вакилларидан иборат экспертлар активларни қайтаришнинг турли жиҳатлари ва бу борада норасмий халқаро хамкорликдан фойдаланиш бўйича тадқиқот натижалари юзасидан фикр алмашдилар.

Муҳокама сўнгида норасмий тармоқлар ва уларнинг ФАТФ билан ҳамкорлигини мустаҳкамлаш бўйича қўшимча таклиф ва тавсиялар ишлаб чиқилди.

Тавсиялар ФАТФнинг 2022 йил октябрда бўлиб ўтадиган ялпи мажлисида кўриб чиқиш учун тақдим этилади.