Барқарор ривожланишнинг миллий мақсад ва вазифаларни амалга оширилиши юзасидаги навбатдаги ишчи йиғилиш

Бош прокуратура Академияси томонидан Барқарор ривожланиш миллий мақсадларининг “Самарали бошқарув” йўналишига оид Адлия вазирлиги масъул бўлган индикаторлар муҳокамасига бағишланган навбатдаги ишчи йиғилиш ўтказилди.

Хусусан, Барқарор ривожланиш миллий мақсадларининг 5.1.1 (жинсий белгиси бўйича камситилишга йўл қўймаслик тўғрисидаги нормаларга ишончли риоя этилишини таъминлайдиган ҳуқуқий механизмлар мавжудлиги), 16.6.2 (давлат хизматларидан фойдаланишнинг сўнгги тажрибасидан мамнун бўлган аҳоли улуши), 16.7.2 (қарорлар қабул қилиш жараёнини кенг қамровли ва муносабатли (билдирувчи) деб ҳисоблайдиган аҳолининг (жинси, ёши, ногиронлик белгиси ва аҳоли гуруҳи бўйича) улуши) ҳамда 16.9.1 (фуқаролик органларида туғилиши рўйхатга олинган беш ёшгача бўлган болаларнинг улуши, ёши бўйича) индикаторлари кўриб чиқилди.

Йиғилиш давомида ҳукумат томонидан бу йил февраль ойида қабул қилган “2030 йилгача бўлган даврда барқарор ривожланиш соҳасидаги миллий мақсад ва вазифаларни амалга оширишни жадаллаштириш бўйича қўшимча чора-тадбирлар тўғрисида”ги қарори ижроси юзасидан вазирлик ходимларининг фикрлари эшитилди.

БМТ-Аёллар тузилмаси (UN Women), БМТ Тарраққиёт дастури (UNDP), Болалар жамғармаси (UNICEF) ходимлари ва экспертлари томонидан мазкур индикаторлар юзасидан амалга оширилаётган ишлар, жаҳондаги бошқа мамлакатлар тажрибаси ва хусусиятлари тўғрисида ахборот алмашишди.

Академия масъуллари томонидан, “Самарали бошқарув” эксперт гуруҳининг ишчи органи сифатида, барқарор ривожланиш соҳасидаги миллий мақсад ва вазифаларга эришиш бўйича ишларни тўғри ташкил этиш, кўрсаткичлар (индикатор)ларга оид маълумотларни тўплаш методологияси ҳамда эътибор қаратилиши лозим бўлган ҳолатлар ҳақида тушунтиришлар берилди.