Бош прокуратура Академияси ва Япония Aдлия вазирлиги ўртасидаги қўшма лойиҳани амалга ошириш онлайн муҳокама қилинди

Бош прокуратура Академияси ва Япония Aдлия вазирлиги вакиллари билан мамлакатимизданги криминоген вазиятни таҳлил қилиш, якунда мавжуд ҳолатни яхшилаш юзасидан таклифлар ишлаб чиқиш билан боғлиқ лойиҳани амалга оширишнинг концептуал масалаларини муҳокама қилиш бўйича ишчи учрашув бўлиб ўтди. Лойиҳани амалга ошириш ушбу соҳадаги япон тажрибасини ўрганиш ва қўллашни ўз ичига олади.

Тадбирда Бош прокуратура Академияси ходимлари, шунингдек, Япония Aдлия вазирлигининг таркибий бўлинмалари раҳбарлари ва ходимлари, Вазирликнинг Тадқиқот ва малака ошириш институти, шунингдек, БМТнинг жиноятчиликнинг олдини олиш ва ҳуқуқбузарлар билан муомалада бўлиш тўғрисидаги Осиё ва Узоқ Шарқ институти (UNAFEI) вакиллари иштирок этдилар.

Учрашувда Япониянинг мазкур соҳада амалга оширган ишлари, жумладан содир этилган жиноятлар тўғрисидаги маълумотларни тўплаш ва қайта ишлашдаги ўзига хос тажрибаси бўйича фикр алмашилди.

Муҳокама якуни бўйича ушбу лойиҳани амалга ошириш учун тузилган Япония Адлия вазирлиги ва Бош прокуратура Академияси ходимларидан иборат махсус ишчи гуруҳлар фаолиятини узоқ муддатга мўлжалланган махсус иш режа асосида давом эттиришга келишиб олинди. Шунингдек, Япония Адлия вазирлиги томонидан Бош прокуратура Академиясига 50 дона Япония жиноятчилик тўгрисидаги  хисоботининг инглиз тилидаги чоп этилган нусхаларини (white book китоби) такдим этилиши тўғрисида маълумот берилди.