Академия вакилларининг ноқонуний молиявий оқимларни ўлчаш бўйича учрашувдаги иштироки

Ҳуқуқни муҳофаза қилиш академияси вакиллари БМТнинг Осиё ва Тинч океани учун иқтисодий ва ижтимоий комиссияси (ESCAP) кўмагида  ноқонуний молиявий оқимлар (НМО) ҳажмини баҳолаш лойиҳасини ишга туширишга бағишланган бошланғич йиғилишида  иштирок этди.  Тадбир БМТнинг Савдо ва тараққиёт бўйича конференцияси (UNCTAD) томонидан Женевадаги Миллатлар саройида ташкил этилди.

Унда UNCTAD, UNODC минтақавий иқтисодий-ижтимоий комиссиялар (ECA, ECLAC, ESCAP, ESCWA), Осиё ва Африка давлатларининг Барқарор ривожланиш мақсадлари 16.4.1-индикатори учун масъул давлат органлари ва ташкилотлари экспертлари қатнашди.

Иштирокилар ноқонуний молиявий оқимлар (НМО)ни ўлчаш ва уларнинг олдини олиш бўйича лойиҳани амалга ошириш, бундай оқимлар ҳажмини баҳолаш усулларини қўллаш, миллий даражада уларни камайтириш бўйича чора-тадбирларни ишлаб чиқиш, шунингдек, иштирокчи давлатлар ўртасидаги ҳамкорлик масалаларини муҳокама қилдилар. Лойиҳа 2023–2026 йилларда амалга оширилади.

Академия бошлиғининг ўринбосари У.У.Нигмаджанов МБРМ 16.4 мақсадини амалга ошириш чора-тадбирлари тўғрисида маъруза қилиб, мамлакатда солиқларни яшириш ва ноқонуний тижорат фаолияти натижасида келиб чиқадиган НМО ҳажмини баҳолаш ва ўлчаш бўйича ESCAP лойиҳасининг дастлабки натижалари ҳақида иштирокчиларга тушунтириш берди.