Ҳуқуқни муҳофаза қилувчи органлар илмий-тадқиқот салоҳиятини ошириш йўлида

Ўзбекистон Республикаси Олий таълим, фан ва инновациялар вазирлиги ҳузуридаги Олий аттестация комиссиясининг 2023 йил 30 сентябрдаги 524-сонли қарори билан Ўзбекистон Республикаси Ҳуқуқни муҳофаза қилиш академияси ҳузурида юридик фанлар бўйича фан доктори (DSc) ва фалсафа доктори (PhD) илмий даражаларини берувчи DSc.31/31.12.2020.Yu.67.01 рақамли илмий кенгашга 12.00.01 – “Давлат ва ҳуқуқ назарияси ва тарихи. Ҳуқуқий таълимотлар тарихи” ихтисослиги бўйича ҳам диссертациялар ҳимоясини ўтказишга рухсат берилди.

Бу эса Ўзбекистон Республикаси прокуратураси тарихида илмий фаолиятни амалиёт билан боғлаган ҳолда тадқиқотлар олиб боришга, бу орқали янги имкониятлар очилишига замин яратди.

Академия илмий кенгашида 12.00.01 – “Давлат ва ҳуқуқ назарияси ва тарихи. Ҳуқуқий таълимотлар тарихи” ихтисослигининг ташкил этилиши ҳуқуқ ва давлатнинг ривожланиш жараёнларига хос бўлган назарий-услубий, тарихий-мантиқий, умумий ва махсус ва бошқа усуллардан фойдаланган ҳолда турли ҳуқуқ назариялари, ҳуқуқий фикр асосларини ифодаловчи ғоялар, ҳуқуқ ва давлатни ўрганишда ёндашувлар тарихини ўрганиш, уларни қиёсий ҳуқуқий ўрганиш имкониятини кенгайтиради.

Айниқса, ватанимиз тақдирига дахлдор бўлган тарихий адолатни тиклашда, халқимиз ва миллатимизнинг келажаги, унинг озодлиги ва эркинлиги йўлида бегуноҳ қурбон бўлган инсонларни, хусусан, прокуратура органларида хизмат фаолиятини ўтаган, халқимизнинг эртанги тақдири учун кураш олиб борган прокурорларнинг, фан ва жамоат арбобларининг ижодий меросларини ўрганиш орқали, уларнинг хотирасини абадийлаштиришга алоҳида эътибор қаратилади.