Ахборот истеъмоли маданиятини шакллантириш масалаларига бағишланган тадбир ўтказилди

Ҳуқуқни муҳофаза қилиш академиясида Ўзбекистон Республикаси Конституциясида белгиланган ахборот олиш ҳуқуқи кафолатлари, шунингдек, ахборот истеъмоли маданиятини шакллантириш, интернетдан тезкор ва унумли фойдаланиш масалаларига бағишланган маънавий-маърифий тадбир ташкил этилди.

Интернетдан самарали ва тўғри фойдаланиш маданиятини шакллантириш, унинг ижтимоий, маънавий ва маданий аҳамиятини ёшларимизга етказиш муҳим масала бўлиб, талабаларнинг интернет имкониятларидан тўғри фойдаланиш бўйича билим ва кўникмаларини ошириш, уларни интернетдаги салбий ҳолатлардан ҳимоя қилиш, шунингдек, ахборот хавфсизлигини таъминлаш масалаларида хабардорликни ошириш мақсадида мазкур тадбир ташкил этилди.

Тадбирда миллий экспертлар, соҳа мутахассислари, ўқитувчилар ва талаба ёшлар иштирок этдилар.

Тадбир давомида иштирокчиларга интернетдан фойдаланиш маданияти, ижтимоий тармоқлардаги одоб-ахлоқ қоидалари, ахборот хавфсизлиги ва шахсий маълумотларни ҳимоя қилишнинг аҳамияти ҳақида маълумотлар берилди. Шунингдек, виртуал ва реал ҳаётни ажратиш, онлайн ахборот манбаларидан тўғри фойдаланиш бўйича маслаҳатлар берилди.

Шунингдек, талабалар орасида “Бўлажак киберпрокурорлар корпуси” фаолиятини йўлга қўйиш ҳақидаги таклифлар муҳокама этилди.

Тадбир якунида иштирокчиларга интернетдан тўғри фойдаланиш бўйича махсус тавсиялар ва эслатмалар берилди. Тадбирнинг ўтказилиши интернетдан оқилона фойдаланиш маданиятини шакллантириш йўлидаги муҳим қадамлардан бири бўлди.