Академия ташкил топганлигининг икки йиллигига бағишланган халқаро илмий-амалий конференция доирасидаги “Тергов фаолиятини ташкил қилишга янгича ёндашувлар: рақамли криминалистиканинг роли” параллел сессияси

Ҳуқуқни муҳофаза қилиш академияси ташкил топганлигининг икки йиллигига бағишлаб ташкил этилган “Ҳуқуқни муҳофаза қилиш фаолияти соҳасидаги глобал чақириқ ва даъватлар: замонавий стратегия ва қарорлар” мавзусидаги халқаро илмий-амалий конференция доирасида “Тергов фаолиятини ташкил қилишга янгича ёндашувлар: рақамли криминалистиканинг роли” параллел сессияси бўлиб ўтди.

Сессияда Ички ишлар вазирлиги академияси, Жамоат хавфсизлиги университети, Тошкент давлат юридик университети вакиллари, Ҳуқуқни муҳофаза қилиш академияси профессор-ўқитувчилари, тадқиқотчилари, тингловчилари ва талабалари иштирок этди.

Параллел сессия доирасида БМТ ГЖБ, ЕХҲТ, Интерпол каби халқаро ташкилотлар, Ирландия, Беларусь Республикаси, Молдова Республикаси, Россия Федерацияси, Покистоннинг кибержиноятчилик ва рақамли суд экспертизаси бўлинмалари бўйича етакчи халқаро ва хорижий экспертларининг, шунингдек, Ўзбекистон Республикаси Президенти ҳузуридаги Қонунчилик ва ҳуқуқий сиёсат, Марказий банк, Ички ишлар вазирлиги, Истиқболли лойиҳалар миллий агентлиги, Ўзбекистон Республикаси “Кибержиноятчилик маркази” ДУК мутахассислари маърузалари билан иштирок этдилар.

Ўзбекистон Республикаси ҳудудида крипто-активлардан ноқонуний фойдаланишга, киберфирибгарликка қарши курашиш, очиқ манбалардан фойдаланган ҳолда веб-таҳдидларни текшириш, рақамли суд экспертизасини ривожлантириш, электрон далиллардан фойдаланиш ва киберхавфсизлик соҳасида мутахассисларни тайёрлаш масалалари кўриб чиқилди.

Анжуман давомида ўзаро фикр ва илғор тажриба алмашилди, ушбу соҳадаги долзарб муаммолар муҳокама қилинди, улар юзасидан таклиф ва тавсиялар шакллантирилди.