Электрон платформа учун техник топшириқни тайёрлайдиган мутахассис вазифасига танлов эълон қилинади

Ўзбекистон Республикаси Ҳуқуқни муҳофаза қилиш академияси Офис-регистратор марказига электрон платформа учун техник топшириқни тайёрлайдиган мутахассис (техник ҳужжатлар муаллифи) вазифасига танлов эълон қилади (шартнома асосида вақтинчалик иш).

Академия ҳақида: Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сонли Фармонига асосан Бош прокуратура Академияси негизида Ўзбекистон Республикаси Ҳуқуқни муҳофаза қилиш академиясини ташкил этилди.

Ҳозирги вақтда Академияда ўқув жараёнини рақамлаштириш, шу жумладан машғулотлар жадвалини шакллантириш, имтиҳонларни ўтказиш, таълим олувчиларни баҳолаш ва рейтингини шакллантириш жараёнлари амалга оширилмоқда.

Шу мақсадларда, Академияда таълим олувчи талаба, тингловчи ва докторантларнинг рейтингини юритиш платформасини тайёрлашга буюртма бериш учун техник топшириқ топшириқни ишлаб чиқиш лозим.

Шу муносабат билан Академия фаолиятига вақтинчалик асосда Офис-регистратор марказига электрон платформа учун техник топшириқни тайёрлайдиган (техник ҳужжатлар муаллифи) мутахассис жалб қилиш зарурати мавжуд. Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик ҳуқуқий шартнома имзоланади.

Техник топшириқни тайёрлайдиган (техник ҳужжатлар муаллифи) мутахассис қуйидаги мажбуриятларни бажаради:

Академияда талаба/тингловчи, шунингдек докторантларнинг (кейинги ўринларда таълим олувчилар) ўқиш ва илмий фаолиятини тартибга солувчи барча норматив ҳамда ички ҳужжатлар билан билан танишиб чиқиш.

Академияда таълим олувчиларларнинг ўқиш ва илмий фаолият жараёнларини танлама асосида бевосита кузатиб бориш.

Тасаввурга эга бўлиш учун академияда таълим олувчиларларнинг ўзлаштириш сифати, илмий-тадқиқот ишларидаги иштироки, давомати, тўгараклардаги иштироки, расмий спорт мусобақаларидаги иштироки, тарғибот тадбирларидаги иштироки, театр, экскурсия, саёҳат сафарлари ва маънавий-маданий тадбирлардаги иштироки, хулқ-атвори учун рағбатлантириш ва интизомий таъсир чораларининг кўрилиши, ўқув дастурларида белгиланган мажбурий амалиётдан ташқари ҳуқуқ-тартибот органлари фаолиятидаги иштироки, кўмаги, иш ўрганиши каби тадбирларни қайд этишларда бевосита иштирок этиш.

Платформанинг асосий функциялари, масалан, баҳоларни киритиш, рейтингларни ҳисоблаш, ҳисоботларни яратиш ва уларни визуализация қилиш имкониятларини белгилаш.

Платформанинг ишлаш тезлиги, барқарорлиги, миқёслашувчанлиги ва сервер инфратузилмасига қўйиладиган талабларни аниқлаш.

Талаба, тингловчи ва докторантлар, шунингдек масъул ходимлар учун қулай ва интуитив интерфейс талабларини белгилаш, фойдаланувчи тажрибасини яхшилаш.

Рейтинг маълумотларини самарали сақлаш ва бошқариш учун маълумотлар базаси моделини яратиш, нормализация ва оптимизацияни таъминлаш.

Маълумотларнинг махфийлиги, яхлитлиги ва мавжудлигини таъминлаш учун аутентификация, авторизация ва шифрлаш механизмларини кўрсатиш.

Платформанинг бошқа академик тизимлар, хусусан электрон журналлар ва ўқув жараёнини бошқариш тизимлари билан ўзаро алоқасини таъминлаш.

Платформанинг ишончлилиги ва барқарорлигини таъминлаш учун функционал, интеграция, юклама ва хавфсизлик тестларини ўтказиш талабларини кўрсатиш.

Платформани ишлаб чиқиш, тест режимида кўриб чиқиш, жорий этиш ва қўллаб-қувватлаш учун график жадвалини тайёрлаш, ҳар бир босқичнинг вазифалари ва масъул шахсларини аниқлаш.

Лойиҳани амалга ошириш учун зарур инсон ресурслари, техника, дастурий таъминот ва молиявий талабларни белгилаш.

Платформанинг фойдаланувчи қўлланмалари, техник ҳужжатлар, ўқув материаллари ва бошқа зарур ҳужжатларни тайёрлаш талабларини кўрсатиш.

Барча талаблар ва вазифаларни ягона ҳужжат шаклида тўлиқ ва аниқ баён қилиш, ҳужжатнинг тузилиши ва мазмунини белгилаш.

Техник топшириқни буюртмачи билан муҳокама қилиш, уларнинг фикр ва таклифларини инобатга олиш, ҳужжатни тасдиқлаш.

Лойиҳа давомида техник топшириққа киритиладиган ўзгаришларни кузатиш, уларни мувофиқлаштириш ва ҳужжатга киритиш.

Техник топшириқ асосида лойиҳанинг барча босқичларида иштирок этиш, унинг мақсадга мувофиқлигини таъминлаш, муаммоларни ҳал қилиш.

Талаба, тингловчи, докторант ва ўқитувчиларнинг эҳтиёжларини ўрганиш, уларнинг платформадан фойдаланишдаги муаммоларини аниқлаш.

Платформанинг келгусидаги ўзгаришлар ва кенгайтиришларга осон мослашишини таъминлаш учун архитектурани лойиҳалаш.

Платформанинг узлуксиз ишлашини таъминлаш учун қўллаб-қувватлаш жараёнлари ва янгиланишлар режасини ишлаб чиқиш.

Талаба/тингловчи ва докторантларнинг электрон портфолиосининг намунасини ишлаб чиқиш.

Платформанинг ишлаш кўрсаткичларини кузатиш ва таҳлил қилиш учун мониторинг воситалари ва ҳисоботлар тизимини яратиш.

Платформанинг миллий ва халқаро қонунчилик, стандартлар ва меъёрий ҳужжатларга мувофиқлигини таъминлаш.

Лойиҳа давомида юзага келиши мумкин бўлган хавф-хатарларни аниқлаш, уларни баҳолаш ва камайтириш чораларини ишлаб чиқиш.

Тьютор ўз фаолиятида амалдаги қонун ҳужжатлари, Академия локал ҳужжатлари ҳамда ушбу шартномага мувофиқ бошқа мажбуриятларни ҳам бажаради.

Номзодга қўйиладиган талаблар:

Электрон платформа учун техник топшириқни тайёрлайдиган мутахассис (техник ҳужжатлар муаллифи) учун зарур олий маълумотга бўлиши.

25 ёшдан кичик, 55 ёшдан катта бўлмаслиги.

электрон платформа учун техник топшириқни тайёрлаш фаолияти йўналишда 4 йилдан кам бўлмаган меҳнат стажига эга бўлиши.

қонунчилик ҳужжатларига мувофиқ, электрон платформа учун техник топшириқни тайёрлайдиган мутахассис (техник ҳужжатлар муаллифи), веб-сайт ва платформаларни яратиш, ишлаб чиқиш ва қўллаб-қувватлаш ҳуқуқидан маҳрум этилмаган бўлиши.

масъулият ҳисси, мустақил иш тутиш хусусиятларига эга бўлиши зарур.

Электрон платформа учун техник топшириқни тайёрлайдиган мутахассис (техник ҳужжатлар муаллифи) вазифасига ишга қабул қилиш Академия ички локал ҳужжатларида белгиланган тартибда амалга оширилади ва Академия раҳбари буйруғи билан амалга оширилади.

Бажариладиган иш муддати:

Мазкур иш муддати 2 ойга белгиланган бўлиб, келгусида заруратга кўра, фуқаро меҳнат шартномаси асосида Академияга ишга қабул қилиниши мумкин.

Тўлов миқдори:

Бажарилган иш учун тўлов миқдори тарафлар келишуви билан белгиланади ва талабгорга бажарилган иш натижасига кўра тўланади.

Талаблар: ташаббускорлик, жамоа билан ҳамнафас ишлаш, берилган топшириқларни ўз вақтида бажариш,

Иш вақти: Иш вақти 40 соатлик, ҳафтасига 5 кунлик иш режимини ташкил этади.

Талабгор Академия Кадрлар бўлимига фуқаролик паспорти ёки ID картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий таълим олганлик ҳақида диплом ва унинг иловаси, меҳнат дафтарчаси нусхаси, СТИР маълумотномасини тақдим этиши лозим. Тақдим этилган ҳужжатлар ўрганиб чиқилганидан сўнг заруратга кўра талабгор билан комиссия таркибида суҳбат ўтказилади.

Ҳужжатларни топшириш муддати 2024 йил 29 ноябрга қадар.

Тел.: 71-202-04-96 (1932)