Академия ҳуқуқий нашрларини SCOPUS талаблари асосида ташкил этиш бўйича хизмат кўрсатувчи ахборот технологиялари соҳаси мутахассиси вазифасига танлов эълон қилинади (шартнома асосида вақтинчалик иш)

Ўзбекистон Республикаси Ҳуқуқни муҳофаза қилиш академияси Ўзбекистон Республикаси Президентининг 2022 йил 22 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ-257-сон Фармонига мувофиқ ташкил этилган.

Академия фаолиятининг асосий йўналишлари қаторида жумладан:

прокуратура органлари ходимларида билим ва кўникмаларни, шу жумладан, тизимли таҳлил ва танқидий фикрлашни, қонунийликни таъминлаш юзасидан адолат ва масъулият каби юксак туйғуларни шакллантириш ва мустаҳкамлашга қаратилган тайёрлаш, қайта тайёрлаш ва малака оширишнинг яхлит тизимини ташкил этиш;

юқори малакали илмий-педагогик кадрларни тайёрлаш, ҳуқуқни муҳофаза қилиш фаолиятининг энг долзарб масалалари бўйича комплекс илмий тадқиқотларни тизимли асосда, шу жумладан, миллий ва халқаро грантларни жалб этган ҳолда амалга ошириш;

суд-ҳуқуқ соҳасида қўшма илмий тадқиқотлар олиб бориш, илғор педагогик тажриба алмашиш борасида узлуксиз халқаро ҳамкорликни амалга ошириш, ўқув жараёнига хорижий мамлакатлар етакчи олий таълим ва илмий-тадқиқот ташкилотларининг малакали мутахассисларини жалб қилиш каби вазифалар белгиланган.

Ҳозирги вақтда Академия фаолиятига вақтинчалик асосда Академия нашрларини SCOPUS базаси талаблари асосида ташкил этиш юзасидан ахборот технологиялари соҳасидаги мутахассисни жалб қилиш зарурати мавжуд.

Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик ҳуқуқий шартнома имзоланади.

Мутахассиснинг вазифалари:

Ахборот технологиялари соҳасидаги мутахассис қуйидаги вазифаларни бажариши лозим:

Академия раҳбариятининг топшириғи бўйича Академия нашрларини SCOPUS базаси талаблари асосида ташкил этиш бўйича шартномага илова қилинган бажариладиган ишлар календарь-режасига мувофиқ, қуйидаги хизматларни (кейинги ўринларда – “хизматлар”) кўрсатиш;

- лойиҳа олди тадқиқотлар ўтказиш, тизимга қўйилган талабларни ўрганиб чиқиш, унга мувофиқ техник топшириқларни ишлаб чиқиш, сайт платформасини ишлаб чиқиш, AVR-1 техник ҳужжатларини тасдиқлатиш;

- сайт тўлиқ тузилишини таҳрирлаш, созлаш ва ўрнатиш: сайт дизайн прототипини яратиш ва уни тасдиқлатиш, тасдиқланган дизайнни ишлаб чиқиш жараёнини бошлаш, OJS платформасини ва ундаги созламаларни ўрнатиш, дастлаб тест шаклда кейин якуний шаклда ишлашини таъминлаш, OJS платформасини тўлиқ ўрнати ва фойдаланувчиларни қўшиш, сайтдан фойдаланиш тилларини созлаш;

- OJS платформасини тегишли базалар (антиплагиат, DOI, ISSN, ORCID) билан интеграция қилиш, тақдим қилинган маълумотларни платформага жойлаштириш;

- сайтни сайтда мавжуд барча тиллардаги контентлар билан тўлдириш, статик ва динамик маълумотларни жойлаш, сайт хостингини мижоз хостингинга ўтказиш а текшириш, сайтни бошқариш тўғрисидаги йўриқномани топшириш;

OJS платформаси яратилиб, якунига етганидан кейин Академия масъул ходимига платформа бўйича семинар ўтказиш.

Номзодга қўйиладиган талаблар:

Ахборот технологиялари соҳасида камида икки йиллик иш тажрибаси;

Ўзбек, инглиз, рус тилларини яхши билиш.

Бажариладиган иш муддати:

Мазкур иш муддати 3 (уч) ойга белгиланган бўлиб, келгусида заруратга кўра, фуқаро меҳнат шартномаси асосида Академияга ишга қабул қилиниши мумкин.

Тўлов миқдори:

Бажарилган иш учун тўлов миқдори тарафлар келишуви билан белгиланади ва талабгорга бажарилган иш натижасига кўра тўланади.

Талаблар: ташаббускорлик, жамоа билан ҳамнафас ишлаш, берилган топшириқларни ўз вақтида бажариш,

Иш вақти: Иш вақти 40 соатлик, ҳафтасига 5 кунлик иш режимини ташкил этади.

Талабгор Академия Кадрлар бўлимига фуқаролик паспорти ёки ID картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий таълим олганлик ҳақида диплом ва унинг иловаси, меҳнат дафтарчаси нусхаси, СТИР маълумотномасини тақдим этиши лозим. Тақдим этилган ҳужжатлар ўрганиб чиқилганидан сўнг заруратга кўра талабгор билан комиссия таркибида суҳбат ўтказилади.

Ҳужжатларни топшириш муддати 15.01.2025 йилга қадар.

тел: 71 202-04-96 (1752)