"Рақамли трансформация даврида кибержиноятларга қарши курашишнинг долзарб масалалари" параллел сессияси

Конференция доирасида ташкил этилган "Рақамли трансформация даврида кибержиноятларга қарши курашишнинг долзарб масалалари" мавзусидаги параллел сессияда БМТнинг Гиёҳвандлик ва жиноятчилик бўйича бошқармаси, ЕХҲТ, ЮНИСЕФ, Испания Қироллик фуқаролик гвардияси, Россия Федерацияси ва Беларусь Республикаси Тергов қўмиталари, Корея Республикаси прокуратураси, Тожикистон Республикаси Бош прокуратураси, Беларусь Республикаси Суд экспертизаси давлат қўмитаси, А.Я.Сухарев номидаги Россия Федерацияси Тергов қўмитаси академияси, Қозоғистон Республикаси Бош прокуратураси ҳузуридаги Ҳуқуқни муҳофаза қилиш органлари академияси, Россия Федерацияси Прокуратура университети, Олий иқтисодиёт мактаби, М.Есбулатов номидаги Қозоғистон ИИВ Олмаота академияси ва бошқа нуфузли ташкилотлар вакиллари иштирок этдилар.

Шунингдек, Magnet Forensics, TikTok, MOBILedit Forensic, ACELab, ЛАН-ПРОЕКТ, Group IB каби етакчи IT-компаниялар мутахассислари ҳам иштирок этиб, кибержиноятларга қарши курашиш бўйича инновацион техник ва дастурий ечимларини тақдим этдилар.

Сессияда кибержиноятларнинг олдини олиш ва уларга қарши курашиш, рақамли далилларни йиғиш ва таҳлил қилиш, уларнинг қабул қилиниш ҳуқуқий мезонлари, рақамли муҳитда вояга етмаганларга нисбатан зўравонликка қарши кураш, рақамли платформаларнинг ҳуқуқни муҳофаза қилиш органлари билан ҳамкорлиги ҳамда Ҳуқуқни муҳофаза қилиш академияси ҳузуридаги Рақамли криминалистика илмий-тадқиқот институти фаолияти натижалари муҳокама қилинди.

Тадбирда Ўзбекистон Республикаси ИИВ академияси, Жамоат хавфсизлиги университети, Олий суд, ДХХ, ИИВ, Тошкент давлат юридик университети, Х.Сулаймонова номидаги Республика суд экспертизаси маркази, профессор-ўқитувчилар, тингловчилар ва талабалар иштирок этдилар.

Сессия жараёнида фикр ва тажриба алмашилди, соҳадаги долзарб муаммолар муҳокама қилинди ҳамда уларни бартараф этишга қаратилган таклиф ва тавсиялар ишлаб чиқилди.