“Рақамли даврда коррупция ва жиноий даромадларни легаллаштириш ва терроризмни молиялаштиришга қарши курашиш” параллел сессияси

Ҳуқуқни муҳофаза қилиш академиясида “Рақамли трансформация даврида ҳуқуқни муҳофаза қилиш соҳасидаги замонавий чақириқ ва таҳдидлар” мавзусидаги халқаро илмий-амалий конфeрeнция доирасида “Рақамли даврда коррупция ва жиноий даромадларни легаллаштириш ва терроризмни молиялаштиришга қарши курашиш” параллел сессияси ўтказилди.

Мазкур сессия икки қисмига, яъни коррупцияга қарши курашишга қарши курашиш ҳамда жиноий фаолиятдан олинган даромадларни легаллаштиришга ва терроризмни молиялаштиришга қарши курашиш йўналишларига бўлинган тартибда аралаш тарзда ташкил этилди.

Хусусан, сессиянинг коррупцияга қарши курашиш: замонавий муаммолар ва тенденциялар қисмида мазкур соҳада юксак илмий ва амалий тажрибага эга бўлган Коррупцияга қарши курашиш бўйича мустақил комиссия (ICAC, Гонконг), Коррупцияга қарши курашиш Бош бошқармаси (DGA, Руминия), Миллий магистратура мактаби (ENM, Франция), Активларни қайтариш бўйича қўмитаси (Қозоғистон), шунингдек Буюк Британия, Латвия, Покистон, Словения ва бошқа давлатлари ҳамда БМТнинг Гиёҳвандлик ва жиноятчилик бўйича бошқармаси, “Минтақавий мулоқот” ХННТ, “CERT International” академияси каби халқаро ташкилотларнинг экспертлари чиқиш қилишди.

Шу каби, тадбирда Ўзбекистон Республикасида коррупцияга қарши курашиш ва унинг олдини олиш соҳасида фаолият кўрсатаётган Олий Мажлиси палаталарининг коррупцияга қарши курашиш ва суд-ҳуқуқ масалалари бўйича қўмиталари, Бош прокуратура, Коррупцияга қариш курашиш агентлиги, Ҳисоб палатаси, Тошкент давлат юридик университети ва бошқа илмий-таълим муассасалари мутахассислари қатнашди.

Эксперт ва мутахассислар ўз чиқишларида коррупцияга қарши курашиш ва унинг олдини олишда, ноқонуний активларни қайтариш замонавий ахборот технологияларининг ўрни, рақамли даврда коррупция муаммолари билан боғлиқ янги таҳдид ва чақириқлар, унинг олдини олишда сунъий интеллект имкониятларидан фойдаланиш, шунингдек халқаро стандартлар ва илғор хорижий илмий-амалий тажрибалар билан иштирокчиларни таништиришди.

Конференциянинг мазкур сессияси иштирокчиларга коррупцияга қарши курашиш соҳасида амалга оширилаётган янгича ислоҳотлар, таҳдидларни халқаро стандартлар, илғор хорижий тажриба ва замонавий илмий ёндашувлар орқали олдини олиш бўйича билим ва кўникмаларни оширишга ёрдам берди.

Сессиянинг иккинчи қисми жиноий даромадларни легаллаштиришга ва терроризмни молиялаштиришга қарши курашиш масалалари муҳокама қилинди.

Тадбирда БМТ Осиё ва Тинч океани иқтисодий ва ижтимоий комиссияси, БМТ Наркотиклар ва жиноятчилик бўйича бошқармаси, Европа иттифоқининг Жиноий даромадларни легаллаштиришга ва терроризмни молиялаштиришга қарши курашиш бўйича Глобал фонди, Минтақавий мулоқот ХНТТ, Буюк Британия, Қатар ва Қозоғистон ваколатли органлари ва ўқув юртлари вакиллари, шунингдек миллий ваколатли органлар вакиллари иштирок этди.

Параллель сессияда жиноий даромадларни легаллаштиришда профессионал воситачиларнинг роли, жиноий даромадларни легаллаштиришнинг муаммоли жиҳатлари, ноқонуний молиявий оқимларни ўлчаш ва уларга қарши курашиш, крипто-активлардан жиноий даромадларни легаллаштиришда ва терроризмни молиялаштиришда фойдаланиш ҳамда бошқа масалалар муҳокама қилинди.

Жумладан, Қатар молиявий разведка бўлинмасининг вакили ФАТФнинг “Янги технологияларнинг жиноий даромадларни легаллаштиришга ва терроризмни молиялаштиришга қарши курашиш миллий тизими учун имкониятлари ва чақириқлари” номли қўлланмасининг мазмун-моҳиятини тушунтиришга бағишланган чиқишида жиноий даромадларни легаллаштиришга ва терроризмни молиялаштиришга қарши курашишда сунъий интеллект асосида рақамли ишланмалардан янада кенг фойдаланиш таваккалчиликларни янада самарали аниқлаш ҳамда шубҳали фаолиятга тегишли муносабат билдиришга хизмат қилишини таъкидлади.

Шунингдек, конференция доирасида Ҳуқуқни муҳофаза қилиш академияси, Марказий банк ва Иқтисодий жиноятларга қарши курашиш департаменти ўртасида жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш соҳасида ўзаро ҳамкорлик меморандуми имзоланди.