Халқаро илмий-амалий конференцияда иштирок этилди

Ўзбекистон Республикаси Бош прокуратураси Академияси вакиллари видеоконференцалоқа режимида бўлиб ўтган “Ноқонуний даромадларни легаллаштириш ва терроризмни молиялаштиришга қарши курашиш тизими глобал ва миллий хавфсизлик ҳимоясида: ҳуқуқ, иқтисодиёт ва ахборот технологиялари синтези” мавзусидаги VI халқаро илмий-амалий конференцияда иштирок этдилар.

Конференция Жиноий даромадларни легаллаштириш ва терроризмни молиялаштиришга қарши курашиш бўйича Халқаро тармоқ институти, Молиявий мониторинг халқаро ўқув-методик маркази ва Россия Федерацияси молиявий мониторинг бўйича хизмати томонидан ташкил этилган.

Тадбирда жиноий фаолиятдан олинган даромадларни легаллаштиришга ва терроризмни молиялаштиришга қарши курашиш Евроосиё гуруҳига аъзо барча давлатларнинг таълим ва илмий-тадқиқот муассасалар, молиявий разведка бўлинмалар, ҳуқуқни муҳофаза қилиш ва назорат органлар, хусусий секторнинг 500 нафардан ортиқ вакиллари иштирок этди.

Бош прокуратура Академияси бошлиғи Е.В.Коленко конференция иштирокчиларини Академиянинг ноқонуний даромадларни легаллаштириш ва терроризмни молиялаштиришга қарши курашиш фаолиятига жалб қилинган ташкилотларнинг ходимларини малакасини ошириш бўйича фаолияти, шунингдек Ғарбий ва Марказий Осиё давлатларининг активларни қайтариш бўйича идоралараро тармоғи (ARIN-WCA) Котибияти сифатидаги роли билан таништирди.

Тадбир доирасида молиявий ва иқтисодий хавфсизликни таъминлаш, ноқонуний даромадларни легаллаштириш ва терроризмни молиялаштиришга қарши курашиш соҳасидаги долзарб ижтимоий аҳамиятга эга масалалар муҳокама қилинди.