Европа Иттифоқи ва Европа Кенгаши билан ҳамкорликнинг оралиқ натижалари муҳокама қилинди

Академия ходимлари Европа Кенгаши (ЕК) ва Европа Иттифоқининг (ЕИ) Марказий Осиёда қонун устуворлигини таъминлаш бўйича қўшма ташаббусининг Минтақавий бошқарув қўмитасининг биринчи йиғилишида иштирок этдилар.

Тадбирда Қозоғистон, Қирғизистон, Тожикистон, Туркманистон ва Ўзбекистоннинг ҳамкор органлари вакиллари иштирок этдилар.

Мазкур дастур инсон ҳуқуқларини ҳимоя қилиш, иқтисодий жиноятчиликка қарши курашиш ва давлат ташкилотларининг самарали фаолиятини таъминлаш соҳасидаги ислоҳотлар жараёнини қўллаб-қувватлашга қаратилган.

Бош прокуратура Академияси Коррупцияга қарши курашиш агентлиги, Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакили, Савдо-саноат палатаси, Иқтисодий жиноятларларга қарши курашиш департаменти билан ҳамкорликда дастурнинг “Шаффофликни таъминлаш ва иқтисодий жиноятчиликка қарши курашишга кўмаклашиш” компонентини амалга оширмоқда.

Академия ушбу компонент бўйича ишларни мувофиқлаштириб келаётгани сабабли, Академия бошлиғининг ўринбосари У.Нигмаджанов тадбирларнинг олиб борилиши юзасидан маъруза қилди.

Таъкидландики, белгиланган вазифаларга мувофиқ, лойиҳа доирасида халқаро ва миллий экспертлар иштирокида ташкил этилган Агентликнинг вазифалари, функциялари ва ваколатлари таҳлил қилиниб, бунинг натижасида ушбу ташкилот фаолиятини тартибга солувчи қонун лойиҳаси бўйича аниқ таклиф ва тавсиялар ишлаб чиқилган.

Шунингдек, коррупция ва жиноий фаолиятдан олинган даромадларни легаллаштиришга қарши курашиш бўйича жиноий ва фуқаролик-ҳуқуқий жавобгарлик тўғрисидаги Европа Иттифоқининг конвенциясининг мазмун-моҳиятини ёритиб бериш, Франциянинг коррупцияга қарши агентлиги билан ҳамкорликни йўлга қўйиш ва унинг бизнес соҳасида шаффофликни таъминлаш бўйича тажрибасини ўрганишга қаратилган бир қатор муҳим тадбирлар ташкил этилди.

Ташкилотчилар юқоридаги давлатлар ҳукумати вакилларининг Европа ва Марказий Осиё ўртасида умумий ҳуқуқий макон яратиш бўйича биргаликда ишлашга юқори даражада жалб қилинганлигини, шунингдек ушбу йўналишдаги тадбирларни қўллаб-қувватлашда давом этишларини таъкидлаб ўтдилар.