Kafedraning asosiy maqsad va vazifalari:

tezkor qidiruv faoliyati va kiberhukuq yo‘nalishlarida huquqni qo‘llash amaliyotini shakllantirish, sohasidagi islohotlarning dolzarb masalalari bo‘yicha o‘qitish jarayonida ishtirok etish hamda o‘quv-uslubiy, o‘quv-amaliy, ilmiy-tadqiqot ishlarini amalga oshirish, yuklatilgan fanlar va o‘quv modullari bo‘yicha dars mashg‘ulotlarini olib borish;

mavjud o‘qitish metodlari, shakl va uslublarini takomillashtirish orqali o‘qitish sifatini oshirishda, o‘qitishning yangi metodika va texnologiyalarini joriy etish;

tegishli soha va masalalar bo‘yicha fundamental, ilmiy-tadqiqot izlanishlarda ishtirok etish, o‘quv, o‘quv-uslubiy, o‘quv-amaliy qo‘llanmalar tayyorlash;

biriktirilgan yo‘nalishlar bo‘yicha bajarilgan ilmiy-tadqiqot ishlari yuzasidan ekspert tahlilini o‘tkazishda ishtirok etish, ular bo‘yicha xulosalar, tavsiya va taqrizlar berish;

muntazam ravishda ilmiy maqolalar bilan ilmiy jurnal va to‘plamlarda hamda ilmiy ma’ruzalar bilan tadbirlarda ishtirok etish;

qonunchilikni targ‘ib qilish, jamiyatda huquqiy madaniyatni yuksaltirish, idoraviy va normativ-huquqiy hujjatlar loyihalarini ishlab chiqishda ishtirok etish.

PROFESSOR-O‘QITUVCHILAR TARKIBI

Karimov Vaxabjan
		Kafedra professori, adliya katta maslahatchisi, yuridik fanlar doktori, professor Prokuratura organlarida uzoq yillar davomida faoliyat yuritgan malakali mutaxassis, ko‘p yillik amaliy, ilmiy va pedagogik tajribaga ega. Email: v.x.karimov@proacademy.uz

Mehnat faoliyati davomida respublika jurnallari, gazetalari va ilmiy maqolalar to‘plamlarida 100 dan ortiq ilmiy va ilmiy-ommabop maqolalar chop etgan, 7 ta darslik (“Tezkor-qidiruv faoliyati: umumiy qism”, “Tezkor-qidiruv faoliyati”, “Tezkor-qidiruv faoliyati nazariyasi” va boshqalar), 4 ta monografiya (“Tezkor-qidiruv faoliyatida qonuniylikni ta’minlashning tarbiyaviy va tashkiliy jihatlari”, “Tezkor-qidiruv faoliyati va inson huquqlari”, 2 ta qonunga sharhlar va boshqalar), 33 ta o‘quv, o‘quv-uslubiy qo‘llanmalar chop etilgan.

O‘zbekiston Respublikasi Huquqni muhofaza qilish akademiyasi Kengashi a’zosi, Akademiya huzuridagi Ilmiy darajalar beruvchi ixtisoslashtirilgan ilmiy kengash va ilmiy seminar a’zosi, O‘zbekiston Respublikasi Ichki ishlar vazirligi Akademiyasi huzuridagi yopiq ilmiy kengash a’zosi sifatida yurisprudensiya sohasida ilmiy kadrlar tayyorlashda faol ishtirok etmoqda.

2020–2023 yillarda 9 ta tadqiqot ishiga ilmiy rahbarlikni amalga oshirgan, shuningdek falsafa doktori (PhD) ilmiy darajasini olish uchun tayyorlangan dissertatsiyalar bo‘yicha rasmiy opponent sifatida xulosalar tayyorlagan. Umumiy ilmiy faoliyati davomida 3 ta yuridik fanlar bo‘yicha falsafa doktori, 10 dan ortiq magistrlik dissertatsiyalari va 20 dan ortiq bitiruv malakaviy ishlariga ilmiy rahbarlik qilgan.

Turg‘unov Asrorjon Anvarovich
		Kafedra katta o‘qituvchisi, adliya kichik maslahatchisi Huquqni muhofaza qiluvchi organlarda ko‘p yillik amaliy tajribaga ega. Mehnat faoliyati davomida respublika iliy jurnallarida va ilmiy maqolalar to‘plamlarida 10 dan ortiq ilmiy va ilmiy-ommabop maqolalar, hammualliflikda 2 ta o‘quv-uslubiy qo‘llanma chop etgan. “Jinoyat ishlarini tergov qilishda zamonaviy axborot texnologiyalari imkoniyatlaridan foydalanish istiqbollari” mavzusida yuridik fanlar bo‘yicha falsafa doktori (PhD) ilmiy darajasini olish uchun dissertatsiyani muvaffaqiyatli himoya qilgan. Email: turgunov.a.a@proacademy.uz

Shukurov Jaxongir Rabbonayevich
		Kafedrasi o‘qituvchi, adliya kichik maslahatchisi Mehnat faoliyati davomida respublika ilmiy jurnallarida, gazeta va ilmiy maqolalar to‘plamlarida 10 dan ortiq ilmiy va ilmiy-ommabop maqolalar, hammualliflikda 1 ta o‘quv-uslubiy qo‘llanma (O‘zbekiston Respublikasida yarashuv to‘g‘risidagi ishlar bo‘yicha ish yuritish) chop etgan. “O‘zbekiston Respublikasida yarashuv institutini qo‘llash va uni takomillashtirish istiqbollari” mavzusida yuridik fanlar bo‘yicha falsafa doktori (PhD) ilmiy darajasini olish uchun dissertatsiyani muvaffaqiyatli himoya qilgan. Email: jaxongir.shukurov@proacademy.uz