Akademiya rahbariyati

Kolenko Yevgeniy Vyacheslavovich - 1977 yil 21 fevralda Toshkent shahrida tug‘ilgan, 1999 yilda Toshkent davlat yuridik institutini, 2013 yilda O‘zbekiston Respublikasi Bosh prokuraturasining Oliy o‘quv kurslarini tamomlagan. Yuridik fanlar bo‘yicha falsafa doktori, professor. Adliya katta maslahatchisi. Mehnat faoliyatini 1999 yilda Toshkent shahar Chilonzor tumani prokuraturasida boshlagan. Keyingi yillarda Toshkent shahar prokuraturasi hamda O‘zbekiston Respublikasi Bosh prokuraturasining turli mas’ul lavozimlarida faoliyat yuritgan. 2017–2018 yillarda O‘zbekiston Respublikasi Bosh prokuraturasining Oliy o‘quv kurslari boshlig‘i, 2018–2023 yillarda Bosh prokuratura Akademiyasi boshlig‘i lavozimlarida ishlagan. 2023 yildan O‘zbekiston Respublikasi Huquqni muhofaza qilish akademiyasi boshlig‘ining birinchi o‘rinbosari lavozimida faoliyat yuritmoqda. 2008 yilda ”Jasorat medali”, 2017 yilda “Do‘stlik ordeni” bilan taqdirlangan.

Turaxonov Durbek Lermonovich – 1986 yil 25 yanvarda Andijon viloyatida tug‘ilgan. 2006 yilda Toshkent davlat yuridik institutini, 2018 yilda O‘zbekiston Respublikasi Bosh prokuraturasi Akademiyasini, 2022 yilda Toshkent shahridagi Xalqaro Vestminster universitetini tamomlagan. Dotsent ilmiy unvoniga ega. Adliya katta maslahatchisi. Mehnat faoliyatini 2006 yilda Andijon shahar prokuraturasida boshlagan. Keyinchalik Andijon viloyati prokuraturasi hamda O‘zbekiston Respublikasi Bosh prokuraturasi tizimida turli mas’ul vazifalarda faoliyat yuritgan. 2019–2021 yillarda O‘zbekiston Respublikasi Bosh prokuraturasi Akademiyasining qonunchilik ijrosi ustidan nazoratni tashkil etish kafedrasi boshlig‘i, 2021–2023 yillarda Akademiya boshlig‘ining o‘quv ishlari bo‘yicha birinchi o‘rinbosari lavozimlarida faoliyat yuritgan. 2023 yildan O‘zbekiston Respublikasi Huquqni muhofaza qilish akademiyasi boshlig‘ining moliya-iqtisod ishlari bo‘yicha o‘rinbosari lavozimida ishlab kelmoqda.

Odinaev Adham Sa’dulloyevich – 1985 yil 2 iyulda Qashqadaryo viloyatida tug‘ilgan. 2007 yilda Toshkent davlat yuridik instituti bakalavriat bosqichini, 2009 yilda mazkur institutning magistratura bosqichini tamomlagan. Yuridik fanlar doktori (DSc), professor. Adliya katta maslahatchisi. Mehnat faoliyatini 2009 yilda O‘zbekiston Respublikasi Bosh prokuraturasining Oliy o‘quv kurslarida o‘qituvchi sifatida boshlagan. Keyinchalik Toshkent viloyati prokuraturasi organlari hamda O‘zbekiston Respublikasi Bosh prokuraturasi tizimida turli mas’ul lavozimlarida ishlagan. 2020–2023 yillarda O‘zbekiston Respublikasi Bosh prokuraturasi Akademiyasida katta prokuror, kafedra boshlig‘i va O‘quv jarayonini tashkil etish va nazorat qilish bo‘limi boshlig‘i lavozimlarida faoliyat yuritgan. 2023–2025 yillarda O‘zbekiston Respublikasi Huquqni muhofaza qilish akademiyasining O‘quv-uslubiy boshqarmasi boshlig‘i, 2025–2026 yillarda Akademiya boshlig‘ining ilmiy ishlar va innovatsiyalar bo‘yicha o‘rinbosari vazifasini bajaruvchisi bo‘lgan. 2026 yildan O‘zbekiston Respublikasi Huquqni muhofaza qilish akademiyasi boshlig‘ining ilmiy ishlar va innovatsiyalar bo‘yicha o‘rinbosari lavozimida faoliyat yuritmoqda.

Nigmadjanov Uygun Uchkunovich – 1981 yil 26 yanvarda Toshkent shahrida tug‘ilgan. 2003 yilda Toshkent davlat yuridik institutini, 2014 yilda O‘zbekiston Respublikasi Bosh prokuraturasining Oliy o‘quv kurslarini, 2025 yilda Buyuk Britaniyaning Sussex universitetini tamomlagan. Adliya katta maslahatchisi. Mehnat faoliyatini O‘zbekiston Respublikasi Oliy sudi tizimida boshlab, keyinchalik Toshkent shahar prokuraturasi va O‘zbekiston Respublikasi Bosh prokuraturasi tizimida turli mas’ul lavozimlarda faoliyat yuritgan. 2018–2023 yillarda O‘zbekiston Respublikasi Bosh prokuraturasi Akademiyasi boshlig‘ining moliya-iqtisod ishlari bo‘yicha o‘rinbosari, 2023 yildan hozirgi kunga qadar O‘zbekiston Respublikasi Huquqni muhofaza qilish akademiyasi boshlig‘ining xalqaro hamkorlik va yoshlar bilan ishlash bo‘yicha o‘rinbosari lavozimlarida faoliyat yuritmoqda.