Электрон таълим бўлими Академиянинг ўқув жараёнига масофавий ва аралаш таълим технологияларини жорий этиш билан боғлиқ фаолиятни амалга оширади.

Бўлимнинг асосий вазифалари:

таълим жараёнига рақамли технологиялар ва замонавий ахборот-коммуникация технологияларини жорий этиш орқали касбий фаолият давомида узлуксиз малака оширишни ташкил этиш ва ўқув жараёнининг амалиёт билан ўзаро уйғунлигини таъминлаш;

таълим олувчиларга белгиланган стандарт ва малака талаблари ҳамда касбий эҳтиёжлари асосида таълим шакллари ва ўқув модулларини мустақил танлаш орқали индивидуал таълим траекторияси бўйича узлуксиз билим ва кўникмаларни ривожлантириш имкониятини яратиш;

электрон таълим сифатини ошириш ва тьюторлар ўртасида рақобатни шакллантириш мақсадида тингловчиларга модуллар доирасида тьюторларни мустақил танлаш имкониятини яратиш;

тингловчиларга касбий фаолияти давомида асосий иш жойидан ажралмаган ёки қисман ажралган ҳолда қонунчиликдаги янгиликлар мазмун-моҳиятини етказиш, прокурор-тергов фаолиятининг илғор ютуқларини ўргатиш, шунингдек тизимли муаммо ва камчиликларни бартараф қилиш кўникмаларини шакллантиришдан иборат.

Бўлим таркиби

Ибраймов Аскар Есбосынович
		Электрон таълим бўлими бошлиғи, адлия маслаҳатчиси, педагогика фанлари доктори, доцент “Прокуратура органлари ходимларининг малакасини оширишни масофавий ва аралаш шакллари асосида такомиллаштириш” мавзусида педагогика фанлари доктори (DSc) илмий даражасини олиш учун диссертация ишини ёқлаган. Email: a.ibraymov@proacademy.uz

Меҳнат фаолиятида 2022 йили “Ўзбекистон прокуратурасига 30 йил” эсдалик нишони билан тақдирланган.

Эшқобилов Сирожиддин Абунабиевич
		Электрон таълим бўлими прокурори, 3-даражали юрист “Жамоат тартиби ва хавфсизлигини таъминлашда ижтимоий реабилитация марказлари фаолиятининг ҳуқуқий асосларини такомиллаштириш” мавзусида юридик фанлар бўйича фалсафа доктори (PhD) илмий даражасини олиш учун диссертация иши олиб бормоқда.