Ҳуқуқни муҳофаза қилиш фаолияти муаммоларини илмий-амалий тадқиқ этиш маркази Академиянинг мустақил таркибий бўлинмаси ҳисобланади ва қуйидаги йўналишларда фаолият юритади:

ҳуқуқни муҳофаза қилиш фаолияти муаммолари, биринчи навбатда жиноят-ларни тергов қилиш соҳасида амалий тадқиқотлар олиб бориш, уни такомиллаштириш бўйича илмий асосланган таклифларни ишлаб чиқиш ва амалга ошириш;

жиноятларни тергов қилишнинг самарадорлигини ошириш бўйича тизимли равишда услубий ва амалий қўлланмалар, тавсиялар тайёрлаш, уларнинг ваколатли давлат органлари томонидан амалда қўлланилишини ташкиллаштириш;

жамоатчиликнинг кенг муҳокамасига сабаб бўлган, шу жумладан уюшган жиноий гуруҳ ва уюшмалар томонидан содир этилган алоҳида мураккаб жиноятларни тергов қилишда ваколатли давлат органларига кўмаклашиш;

жиноятлар содир этилишининг сабаб ва шарт-шароитларини, шу жумладан, терговга қадар текширув ҳужжатлари ва жиноят ишларини ўрганиш асосида уларнинг алоҳида турлари кесимида таҳлил ва диагностика қилиш;

ҳуқуқни муҳофаза қилувчи органларининг ҳуқуқбузарликлар профилактикаси ва жиноятчиликка қарши курашиш фаолиятини услубий ва консультатив таъминлаш.