Марказ Академиянинг Ўқув-услубий бошқармаси таркибидаги тармоғи ҳисобланади ҳамда прокуратура органлари ходимлари ва ваколатли давлат органлари суриштирувчи/терговчиларининг билим ва кўникмалари диагностикаси натижаларини таҳлил қилиш, талаба ва тингловчилар рейтингларини юритиш, уларга хизмат кўрсатишни тизимли йўлга қўйиш ҳамда таълим жараёнида шаффофликни таъминлаш фаолиятини амалга оширади.

Марказнинг асосий мақсади ходимнинг бакалавриат, магистратура босқичларида таълим олиш ва кейинчалик фаолияти давомида (малака ошириш ҳамда қайта тайёрлаш жараёнлари орқали) тегишли касбий компетенцияларни шаклланишини узлуксиз мониторинг қилиб боришдан иборат.

Шунингдек, Марказнинг асосий ғояси ўз стратегияси асосида фаолиятни тўлиқ йўлга қўйиш ва бошқа таълим муассасаларининг шу каби тузилмалари ўртасида юқори ўринга кўтариш, тажрибаси билан бошқа таълим муассасаларга таништириш, фаолиятни миллий ва халқаро майдонда кенг тарғиб этиш.

Кадиров Илёсжон Ибрагимович
		Офис-регистратор маркази бошлиғи, адлия маслаҳатчиси 3-даражали “Аъло хизматлари учун” кўкрак нишони билан тақдирланган. Академиянинг ўқув жараёни билан боғлиқ 20 дан ортиқ ички норматив ҳужжатларини ишлаб чиққан, жами 30 та ўқув модуллари бўйича ўқув-методик мажмуалар шакллантирган. Email: i.kadirov@proacademy.uz

Аҳмадов Алимардон Ахмадович
		Марказ катта прокурори, адлия кичик маслаҳатчиси “Ўзбекистон мустақиллигига 29 йил” эсдалик нишони билан тақдирланган. Email: a.akhmadov@proacademy.uz