Тьютор мутахассис вазифасига танлов эълон қилинади

Ўзбекистон Республикаси Ҳуқуқни муҳофаза қилиш академияси Ёшлар билан ишлаш, маънавият ва маърифар бўлимига тьютор мутахассис вазифасига танлов эълон қилади (шартнома асосида вақтинчалик иш).

Академия ҳақида: Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сонли Фармонига асосан Бош прокуратура Академияси негизида Ўзбекистон Республикаси Ҳуқуқни муҳофаза қилиш академияси ташкил этилди.

Тергов ҳамда ҳуқуқни муҳофаза қилиш фаолиятининг бошқа соҳаларида кадрларни тайёрлаш, қайта тайёрлаш ва уларнинг малакасини ошириш Академия фаолиятининг асосий йўналишлари этиб белгиланди:

Ҳозирги вақтда Академия фаолиятига вақтинчалик асосда Ёшлар билан ишлаш, маънавият ва маърифат бўлимига тьютор мутахассисси жалб қилиш зарурати мавжуд. Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик ҳуқуқий шартнома имзоланади.

Тютор қуйидаги мажбуриятларни бажаради:

Талабаларнинг маънавий, ахлоқий ва касбий тарбияси билан мунтазам шуғулланиш.

Ўз маҳорати, касбий тайёргарлиги, назарий билим ва иш тажрибасини доимий равишда ошириб бориш.

Талабаларнинг шаъни ва қадр-қимматини, обрўсини ҳурмат қилиш.

Талабаларнинг психологик ва ўзига хос хусусиятларини, жисмоний ва руҳий саломатлигини, физиологик ривожланишини ҳисобга олиш, жисмоний, ақлий, сенсор (сезги) ёки руҳий нуқсонлари бўлган шахсларни ўқитиш учун шарт-шароитлар яратилишига эътибор қаратиш.

Тюторлик гуруҳларидаги талабаларнинг маълумотлар базасини яратиш ва Ёшлар билан ишлаш, маънавият ва маърифат бўлимига тақдим этиш.

Талабалар ҳақидаги шахсий маълумотларни уларнинг розилигисиз ошкор қилмаслик, учинчи тарафга бермаслик.

Талабаларнинг ўқув, маънавий ва илмий фаолиятини мувофиқлаштириш ва мониторинг қилиб бориш.

Талабаларнинг ўзлаштириши ва дарсларда иштирок этишини мунтазам назорат қилиб бориш ҳамда таҳлил этиш.

Ўзига бириктирилган ётоқхонада, ижара, яқин қариндоши ва ўз уйида яшовчи талабаларнинг яшаш манзилларига мунтазам (ҳар икки ойда камида бир маротаба) бориб, у ердаги шароитларни ўрганиб бориш ва уларни яхшилаш чораларини кўриш.

Ўзига бириктирилган гуруҳлардаги талабалар (гуруҳларда ва якка тартибда, гуруҳларда ҳар ҳафтада камида бир марта) билан режа-жадвал асосида маънавий-маърифий ва ижтимоий-сиёсий йўналишларда (ҳар бир талаба билан ойига камида икки маротаба) суҳбатлар ўтказиб бориш, талабаларнинг ота-оналари билан мунтазам равишда мулоқотлар ташкил этиш.

Гуруҳларда дарс жадвали асосида ҳар ҳафтада бир марта “Ахборот ва мураббийлик соати”, “Софт скиллс” тренинглари ўтилишини ташкил этиш ҳамда унинг самарадорлигини таъминлаш.

Тюторлик гуруҳларидаги талабаларнинг индивидуал йиғма жилдини (портфолиоси) шакллантириш ва юритиш, “Тюторлик соатлари” дарси ва иш режасидаги тадбирларни қайд қилиш журналини юритиб бориш.

Талабаларнинг одоби, хулқи, Ички тартиб қоидаларга риоя этиши юзасидан ота-оналар билан мунтазам учрашиб тегишли маълумотларни етказиш.

Талабалар ва уларнинг ота-оналарини ёки бошқа қонуний вакилларини Ички тартиб қоидалари, Акдемия Ётоқхонаси ички тартиб қоидалари ва таълим фаолиятини тартибга солувчи бошқа норматив ҳужжатлар билан таништириш.

Талабалар билан боғлиқ фавқулодда муаммоли вазиятлар юзасидан зудлик билан Академия раҳбариятига ахборот бериш.

Талабалар ўртасида ҳуқуқбузарлик ва жиноятчиликнинг ҳамда диний экстремизмнинг олдини олиш бўйича соҳа мутахассислари иштирокида мунтазам тушунтириш ишларини олиб бориш.

Алкоголь, тамаки ва психотроп воситалар истеъмол қилишнинг зарарли оқибатлари хусусида доимий профилактик ишларни ташкил этиш.

Моддий ёрдамга муҳтож талабаларни аниқлаш, уларни ижтимоий жиҳатдан қўллаб-қувватлаш бўйича Раҳбариятга таклиф киритиш.

Талабаларнинг Ички тартиб қоидалари ва бошқа ички (локал) ҳужжатларда белгиланган талабларга мос равишда бўлишларини назорат қилиш ва ушбу ҳужжатларни бузган талабаларга тегишли чоралар кўриш юзасидан Ёшлар билан ишлаш, маънавият ва маърифат бўлимига билдирги киритиш.

Ўзи масъул этиб белгиланган талабалар клуби ва тўгараклар ишини ташкил этиш, уларга талабалар аъзолигини максимал даражада таъминлаш ва талабаларнинг ушбу тўгараклар фаолиятидаги иштироки мониторингини юритиш.

Тютор ўз фаолиятида амалдаги қонун ҳужжатлари, Академия локал ҳужжатлари ҳамда шартномага мувофиқ бошқа мажбуриятларни ҳам бажаради.

Номзодга қўйиладиган талаблар:

Тюторлар олий маълумотга эга бўлиши (илмий даража ва илмий унвонга эга шахсларга афзалликлар берилади).

25 ёшдан кичик, 55 ёшдан (аёллар учун 50 ёш) катта бўлмаслиги.

педагогик ва психологик, ўқув-тарбиявий, ўқув-услубий, таълим тизимида бошқарув фаолияти билан шуғулланган, ёшлар масалалари ва маънавий-маърифий йўналишда 2 йилдан кам бўлмаган меҳнат стажига эга бўлиши.

қонунчилик ҳужжатларига мувофиқ таълим бериш ҳуқуқидан маҳрум этилмаган бўлиши.

намунавий шахсий фазилатларга – интеллект, маданиятли, ижодий, хушмуомалалик, ватанпарварлик ва ташаббускорлик қобилиятларига эга бўлиши, масъулият ҳисси, мустақил иш тутиш хусусиятларига эга бўлиши зарур.

Тюторликка ишга қабул қилиш Академия ички локал ҳужжатларида белгиланган тартибда амалга оширилади ва Академия раҳбари буйруғи билан амалга оширилади.

Бажариладиган иш муддати: мазкур иш муддати 10 ойга белгиланган бўлиб, келгусида заруратга кўра, фуқаро меҳнат шартномаси асосида Академияга ишга қабул қилиниши мумкин.

Бажарилган иш учун тўлов миқдори тарафлар келишуви билан белгиланади ва талабгорга бажарилган иш натижасига кўра тўланади.

Талаблар: ташаббускорлик, жамоа билан ҳамнафас ишлаш, берилган топшириқларни ўз вақтида бажариш,

Иш вақти: 40 соатлик, ҳафтасига 5 кунлик иш режимини ташкил этади.

Талабгор Академия Кадрлар бўлимига фуқаролик паспорти ёки ID картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий таълим олганлик ҳақида диплом ва унинг иловаси, меҳнат дафтарчаси нусхаси, СТИР маълумотномасини тақдим этиши лозим. Тақдим этилган ҳужжатлар ўрганиб чиқилганидан сўнг заруратга кўра талабгор билан комиссия таркибида суҳбат ўтказилади.

Ҳужжатларни топшириш муддати – 2024 йил 26 август (шу куни ҳам).

Манзил: Тошкент ш. Юнусобод тумани Рихсили 9.

Тел.: 97-463-77-87.