Ўзбекистон Республикаси Ҳуқуқни муҳофаза қилиш академияси магистратурасига 2024/2025 ўқув йили учун танлов жараёни якунланди

Ўзбекистон Республикаси Ҳуқуқни муҳофаза қилиш академияси магистратурасига танлов жараёни ниҳоясига етди.

Мазкур танловларда “Прокурорлик фаолияти”, “Коррупцияга қарши курашиш”, “Инсон ҳуқуқларига оид халқаро ҳуқуқ” мутахассислиги бўйича таълимнинг кундузги, шунингдек “Прокурорлик фаолияти” мутахассислиги бўйича таълимнинг сиртқи ва кечки шакли учун жами 597 нафар номзод иштирок этдилар.

Номзодлар тўплаган баллари билан ўз паспорт (ID-карта) рақами орқали қуйидаги рўйхатда танишишлари мумкин.

Танлов якунига кўра, ушбу мутахассисликлар бўйича номзодлар тўплаган балларни умумлаштириш якунларига асосан энг юқори натижаларга эришган 55 нафар номзод таълимнинг кундузги шаклига, 25 нафар номзод таълимнинг сиртқи шакли ҳамда 10 нафар номзод таълимнинг кечки шакли бўйича 2024/2025 ўқув йилида Академия магистратураси тингловчилари сафига тавсия этилди.

Шунингдек, “Тергов фаолияти” мутахассислиги бўйича танловда иштирок этган жами 81 нафар номзоддан 28 нафари ўқишга тавсия этилгани маълум қилинади.

Таълимнинг кундузги шаклига тавсия этилган номзодлар жорий йилнинг 9 сентябрь куни соат 10:00 да Академияга қуйидаги ҳужжатлар билан ҳозир бўлиши сўралади:

1. Шахсини тасдиқловчи ҳужжатнинг асли (паспорт ёки ID-карта);
2. Танловга тақдим этган дипломи ва диплом иловасининг асли.

Таълимнинг сиртқи шаклига тавсия этилган номзодлар Академияга таклиф этиладиган сана ҳақида қўшимча хабар берилади.

Академия жамоаси магистратурага танловдан муваффақиятли ўтган номзодларни табриклаб, уларга илм-фан, таълим ва амалиёт чўққиларини эгаллашларида улкан зафарлар тилайди.