Юридик шахсларни коррупциявий ҳуқуқбузарликлар содир этганлиги учун жавобгарликка тортиш бўйича ўқув қўлланмаси нашр этилди

Коррупцияга қарши курашиш борасида мутахассисларни тайёрловчи муассасаларнинг илмий-таълим салоҳиятини ошириш мақсадида Бош прокуратура Академияси томонидан миллий, хорижий ва халқаро ҳамкорлар билан ҳамкорликда тегишли мавзуларда ихтисослашган адабиётлар тайёрлаш ишлари амалга оширилмоқда.

Жумладан, Академия томонидан Ўзбекистон Республикаси Судьялар Олий кенгаши қошидаги Судьялар олий мактаби билан биргаликда «Хорижий мамлакатларда юридик шахсларни коррупциявий ҳуқуқбузарлик учун жавобгарликка тортишнинг ҳуқуқий асослари» мавзусидаги ўқув қўлланмаси тайёрланди.

Ўзбекистон Республикаси Олий ва ўрта махсус таълим вазирлигининг Ўқув-услубий мувофиқлаштирувчи Кенгашининг 14.08.2020 йилдаги 418-235-сонли қарори билан мазкур қўлланма нашрга тавсия этилди. 

Ўқув қўлланмада юридик шахсларни коррупциявий ҳуқуқбузарлик учун жавобгарликка тортишнинг асосий моделлари, англо-саксон, романо-герман ҳуқуқ оилалари ҳамда Шарқий Европа ва Осиё давлатларида унинг амалий қўлланилиши кўриб чиқилади.

Нашр маълумотлари: Исмаилов Б.И., Насриев И.И. Правовые основы привлечения юридических лиц к ответственности за коррупционные правонарушения в зарубежных странах. // Учебное пособие. Академия Генеральной прокуратуры Республики Узбекистан, Высшая школа судей при Высшем судейском совете Республики Узбекистан. -Ташкент: «Yuridik adabiyotlar publish», 2020. -448с.